Эр абынмай, эл танымаз.
Къызгъанчдан ычхыныр, мухардан ычхынмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Джашынгы кесинг юретмесенг, джашау юретир.
Уллу суу бла уллу ауруудан башынгы сакъла.
Байма, деб да, къууанма, джарлыма, деб да, джылама.
Ауругъанны сау билмез, ач къарынны токъ билмез.
Адамны сабийин сюйген джюреги, бычакъча, джитиди.
Сёз сёзню айтдырыр.
Аманнга игилик этсенг, юйюнге сау бармазса.
Тыш элде солтан болгъандан эсе, кесинги элде олтан болгъан игиди!
Айран ичген – къутулду, джугъусун джалагъан – тутулду.
Кёлю джокъну – джолу джокъ.
Окъугъан – асыу, окъумагъан – джарсыу.
Кирсизни – саны таза, халалны – къаны таза.
Тюз сёз баргъан сууну тыяр.
Асхат ашлыкъ сата, юйдегиси ачдан къата.
Къатыны харакетли болса, эри къымсыз болур.
Хар адамгъа кеси миннген тау кибик.
Иги адам абынса да, джангылмаз.
Джигер – джаннга къыйынлыкъ.
Тамырсыз терекге таянма – джыгъылырса.
Татлы сёз – балдан татлы.
Адебсиз адам – джюгенсиз ат.
Адам туугъан джеринде, ит тойгъан джеринде.
Аууз сакълагъан – джан сакълар.
Бети – къучакълар, джюреги – бычакълар.
Тенги кёбню джау алмаз, акъылы кёбню дау алмаз.
Эринчекни аурууу – кёб.
Мураты болгъанны джюрек тебюую башхады.
Ашатыргъа иш – ашхы, ишлетирге аш – ашхы.
Джолда аягъынга сакъ бол, ушакъда тилинге сакъ бол.
Битмегеннге сакъал – танг.
Аман хансны – урлугъу кёб.
Кёзню ачылгъаны – иги, ауузну джабылгъаны – иги.
Иги болса, тамадама – махтау, аман болса, меннге – айыб.
Къайгъы тюбю – тенгиз.
Къралынгы – душмандан, башынгы от бла суудан сакъла.
Эм ашхы къайын ана мамукъ бла башынгы тешер.
Ашхы адам – халкъ байлыгъы, ашхы джер – джашау байлыгъы.
Къалгъан ишге къар джауар.
Билим ат болуб да чабар, къуш болуб да учар.
Аллахха ийнаннган кишини, Аллах онгдурур ишин.
Эрни эр этерик да, къара джер этерик да, тиширыуду.
Азыкълы ат арымаз, къатыны аман джарымаз.
Гитче джилтин уллу элни джандырыр.
Джаш къарыу бла кючлю, къарт акъыл бла кючлю.
Тюзлюк тас болмайды.
Эки къатын алгъанны къулагъы тынгнгаймаз.
Тойгъан джерге джети къайт.
Пока интернет пополняется подобными роликами,позитив отдыхает...