Билим – акъылны чырагъы.
Келинин тута билмеген, къул этер, къызын тута билмеген, тул этер.
Мураты болгъанны джюрек тебюую башхады.
Чомарт джарлы болмаз.
Къыз чыгъаргъан – къызыл къымжа.
Тюзлюк тас болмайды.
Джаш болсун, къыз болсун, акъылы, саны тюз болсун.
Чоюнну башы ачыкъ болса, итге уят керекди.
Адамны бетине къарама, адетине къара.
Ашхылыкъ джерде джатмайды, аманлыкъ суугъа батмайды.
Этни да ашады, бетни да ашады.
Байлыкъдан саулукъ ашхыды.
Кийиминг бла танылма, адамлыкъ бла таныл.
Адам туугъан джеринде, ит тойгъан джеринде.
Туз, гырджын аша, тюзлюк бла джаша.
Мал тутхан – май джалар.
Башы джабылгъан челекге, кир тюшмез.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Экеулен сёлеше тура эселе, орталарына барыб кирме.
Тойгъа алгъа да барма, тойда артха да къалма.
Ач – эснер, ат – кишнер.
Акъылсызны джууукъгъа алма, акъыллыны кенгнге салма.
Ач отунчуну ачыуу – бурнунда.
Аз айтсам, кёб ангылагъыз.
Таула не мийик болсала да, аууш табылыр.
Къонагъы джокъну – шоху джокъ.
Джолда аягъынга сакъ бол, ушакъда тилинге сакъ бол.
Къонакъ болсанг, ийнакъ бол.
Ашына кёре табагъы, балына кёре къалагъы.
Джауумдан сора, кюн кюйдюрюр, ётюрюкден сора, айыб кюйдюрюр.
Ашхы болсанг, атынг чыгъар, аман болсанг, джанынг чыгъар.
Ариу сёз – къылычдан джити.
Айраннга суу къош, телиге джол бош.
Сагъыш – къартлыкъгъа сюйюмчю.
Келлик заман – къартлыкъ келтирир, кетген заман – джашлыкъ ёлтюрюр.
Къайгъыны сюйген, къайгъы табар.
Билимли ёлмез, билимсиз кёрмез.
Адамны адамлыгъы къыйынлыкъда айгъакъланады.
Кёкдеги болмаса, джердегин кёрмейди.
Ишленмеген джаш – джюгенсиз ат, ишленмеген къыз – тузсуз хант.
Джыйырма къойну юч джыйырма эбзе кюте эди.
Керти сёзге тёре джокъ.
Къан бла кирген, джан бла чыгъар.
Ач уят къоймаз.
Эри аманны, къатыны – аман.
Ашхы тенг джолгъа салыр, аман тенг джолдан тайдырыр.
Шапа кёб болса, аш татымсыз болур.
Уллу къашыкъ эрин джыртар.
Акъыл аздырмаз, билим тоздурмаз.
Айныгъанлы алты кюн, тогъайгъанлы тогъуз кюн.
Пока интернет пополняется подобными роликами,позитив отдыхает...