Эринчекни эр алмаз, эр алса да, кёл салмаз, кёл салса да, кёб бармаз!
Кёб ашасанг, татыуу чыкъмаз, кёб сёлешсенг, магъанасы чыкъмаз.
Ёлген аслан – сау чычхан.
Къолу уллу – асыу, аягъы уллу – джарсыу.
Адеби болмагъан къыз – тузсуз хант.
Тил бла келеди джыр да.
Адамны бетине къарама, адетине къара.
Биреуге кёлтюрген таягъынг, кесинги башынга урур.
Иесиз малны бёрю ашар.
Баш – акъыл ючюн, акъылман – халкъ ючюн.
Аджашхан тёгерек айланыр.
Ариу сёз аурууунгу алыр.
Адам сёзге тынгыла, акъыл сёзню ангыла.
Къыз тиширыу кеси юйюнде да къонакъды.
Алтыда кюлмеген, алтмышда кюлмез.
Айранын берсенг, челегин да къызгъанма.
Ойнаб айтсанг да, эслеб айт.
Туз, гырджын аша, тюзлюк бла джаша.
Бозаны арты дауур болур.
Итли къонакъ джарашмаз.
Ана къойну – балагъа джандет.
Игиге айтсанг – билир, аманнга айтсанг – кюлюр.
Асхат ашлыкъ сата, юйдегиси ачдан къата.
Тюзлюк тас болмайды.
Ётюрюкчюню шагъаты – къатында.
Ауругъанны сау билмез, ач къарынны токъ билмез.
Биреуге аманлыкъны тилеме да, кесинге ашхылыкъны тиле.
Бозанг болмагъан джерге, къалагъынгы сукъма.
Къонакъ аман болса, къонакъбай джунчур
Тенгни тенглиги джашай барсанг билинир.
Тюзлюк шохлукъну бегитир.
Намыс сатылыб алынмайды.
Ханнга да келеди хариблик.
Аман къатын сабий табса, бий болур…
Ата Джуртча джер болмаз, туугъан элча эл болмаз.
Адамны артындан къара сабан сюрме.
Эл элде бирер малынг болгъандан эсе, бирер тенгинг болсун.
Аллахха ийнаннган кишини, Аллах онгдурур ишин.
Къарт айтханны этмеген, къартаймаз.
Чабакъ башындан чирийди.
Кюн кёрмеген, кюн кёрсе, кюндюз чыракъ джандырыр.
Кёбге таш атма.
Атынг аманнга чыкъгъандан эсе, джанынг тамагъынгдан чыкъсын.
Къумурсхала джыйылсала, пилни да джыгъадыла.
Къарын къуру болса, джюрек уру болур.
Хар адамгъа кеси миннген тау кибик.
Байдан умут эте, джарлыдан ёгюз багъасы къорады.
Орну джокъну – сыйы джокъ.
Къартны бурнун сюрт да, оноугъа тут.
Иги адамны бир сёзю эки болмаз.
Пока интернет пополняется подобными роликами,позитив отдыхает...