Аш кетер да бет къалыр.
Аманны къуугъан, аманлыкъ табар.
Этни да ашады, бетни да ашады.
Къызын тута билмеген, тул этер, джашын тута билмеген, къул этер.
Харам къарнашдан, халал тенг ашхы.
Аз сёлеш, кёб ишле.
Сыфатында болмагъаны, суратында болмаз.
Чакъырылмагъан къонакъ тёрге атламаз.
Аманнга алтын чыдамаз.
Айырылгъанланы айю ашар, бёлюннгенлени бёрю ашар.
Сабий кёргенин унутмаз.
Къазанчы аман болса, къазаны къайнамаз.
Эрине къаргъыш этген къатын, эрнин къабар.
Ёзденликни джайгъан – джокълукъ.
Накъырданы арты керти болур.
Босагъагъа джууукъ орун болса, ашыгъыб тёрге озма.
Ауругъанны сау билмез, ач къарынны токъ билмез.
Ариуну – ауруу кёб.
Уллу атлама – абынырса, уллу къабма – къарылырса.
Суу ичген шауданынга тюкюрме.
Кюн кёрмеген, кюн кёрсе, кюндюз чыракъ джандырыр.
Кёб джашагъан – кёб билир.
Татлы сёз – балдан татлы.
Къарын къуру болса, джюрек уру болур.
Ашхы тенг джолгъа салыр, аман тенг джолдан тайдырыр.
Къумурсхала джыйылсала, пилни да джыгъадыла.
Ёзденликни кёбю ётюрюк.
Тюзлюк шохлукъну бегитир.
Ашхы болсанг, атынг чыгъар, аман болсанг, джанынг чыгъар.
Ашлыкъны арба юйге келтирир, чана базаргъа элтир.
Ханы къызы буюгъа-буюгъа киштик болду.
Телини эшигин, махтау джабар.
Ариу сёз джыланны орнундан чыгъарыр.
Кюл тюбюндеги от кёрюнмейди.
Юйлю уругъа ит чабмаз.
Къатын къылыкъсыз, эр тынчлыкъсыз.
Айран тёгюлсе, джугъусу къалыр.
Чомарт къонакъ юй иесин сыйлар.
Джуртун къоругъан озар.
Ишин билген, аны сыйын чыгъарады.
Бети бедерден, намыс сакълама.
Ханнга да келеди хариблик.
Рысхысына кёре, джаш ёсер, къышлыгъына кёре, мал ёсер.
Оюмсуз атлагъан, аджалсыз ёлюр.
Борчунг бар эсе, хурджунунга ойлаб узал.
Сабыр джетер муратха, сабырсыз къалыр уятха.
Адамны сыфатына къарама, сёзюне къара.
Къралынгы – душмандан, башынгы от бла суудан сакъла.
Хата – гитчеден.
Бети – къучакълар, джюреги – бычакълар.
Пока интернет пополняется подобными роликами,позитив отдыхает...