Къарнынг ауруса, ауузунгу тый
Нёгер болсанг, тенг бол, тенг болмасанг, кенг бол.
Намысы болмагъанны, сыйы болмаз.
Дженгил джетерикме деб, узун джолну къоюб, къысхасын барма.
Арпа, будай – ащды, алтын, кюмюш а – ташды.
Келинин тута билмеген, къул этер, къызын тута билмеген, тул этер.
Биреуню эскиси биреуге джангы болмайды.
Эки къатын алгъан – эки ташны ортасына башын салгъан.
Арыгъан къош чамчы болур.
Джукъу тёшек сайламайды.
Кёб къычыргъандан – къоркъма, тынч олтургъандан – къоркъ.
Джогъун бар этген, барын бал этген.
Намыс болмагъан джерде, насыб болмаз.
Къонакъ аман болса, къонакъбай джунчур
Тойгъанлыкъ къойгъа джарашады.
Ёмюрлюк шохлукъну джел элтмез.
Ана кёлю – балада, бала кёлю – талада.
Къарнынг тойгъунчу аша да, белинг талгъынчы ишле.
Кирсизни – саны таза, халалны – къаны таза.
Чомартха Тейри да борчлуду.
Халкъгъа джарагъан, джарлы къалмаз.
Аджашханны ызындагъы кёреди, джангылгъанны джанындагъы биледи.
Ёнгкюч къууана барыр, джылай келир.
Ёлюр джаннга, ёкюл джокъ.
Сютню башын джалагъан къутулур, тюбюн ичген тутулур.
Джети тилни билген джети кишиди.
Къазанны башы ачыкъ болса, итге уят керекди.
Адамны джюреги нени кёрюрге сюйсе, кёзю да аны кёрюрге ёч болады.
Къозулугъунда тоймагъан, къойлугъунда тоймаз.
Окъугъан озар, окъумагъан тозар.
Аманны тукъумуна къарама, игини тукъумун сорма.
Ашлыкъ – бюртюкден, джюн – тюкден.
Уруну арты – къуру.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джылар джаш, атасыны сакъалы бла ойнар.
Керек ташны ауурлугъу джокъ.
Уллу атлама – абынырса, уллу къабма – къарылырса.
Джыланны къуйругъундан басарынг келсе, аны башы болгъанын унутма.
Аякъларынгы джууургъанынга кёре узат.
Айырылгъанланы айю ашар, бёлюннгенлени бёрю ашар.
Чыбыкълыкъда бюгюлмеген, къазыкълыкъда бюгюлмей эди.
Ойнай билмеген, оюн бузар.
Чомарт бергенин айтмаз.
Тели турса – той бузар.
Чомартны къолун джокълукъ байлар.
Мухарны эси – ашарыкъда.
Кёл ашады да, кеси ашады.
Джюрекден джюрекге джол барды.
Акъыл сабырлыкъ берир.
Джыйырма къойну юч джыйырма эбзе кюте эди.
