Элге къуллукъ этмеген, элге ие болмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тёрдеги кюлсе, эшикдеги ышарыр.
Тамырсыз терекге таянма – джыгъылырса.
Байдан умут эте, джарлыдан ёгюз багъасы къорады.
Тынгылагъан тынгы бузар.
Ётюрюкню къуйругъу – бир тутум.
Узун джолну барсанг, бюгюн келирсе, къысха джолну барсанг, тамбла келирсе.
Кёб ант этген, кёб ётюрюк айтыр.
Чоюнну башы ачыкъ болса, итге уят керекди.
Эринчекге кюн узун.
Бир онгсуз адам адет чыгъарды, деб эштирик тюлсе.
Кёбден умут этиб, аздан къуру къалма.
Къызны минг тилер, бир алыр.
Ауругъанны сау билмез, ач къарынны токъ билмез.
Тойну къарнашы – харс, джырны къарнашы – эжиу.
Тамчы таш тешер.
Сакъламагъан затынга джолукъсанг, не бек къууанаса, не бек ачыйса.
Ашатыргъа иш – ашхы, ишлетирге аш – ашхы.
Кёкдеги болмаса, джердегин кёрмейди.
Къартны бурнун сюрт да, оноугъа тут.
Хазыр ашха – терен къашыкъ.
Ачлыкъда тары гырджын халыуадан татлы.
Агъач халкъгъа алтынды, иссиликге салкъынды.
Тёрде – темир таякълы, къаяда – чыпчыкъ аякълы.
Биреуню эскиси биреуге джангы болмайды.
Джашда акъыл джокъ, къартда къарыу джокъ.
Мухардан ач ычхынмаз.
Насыб бютеу халкъны юлюшюдю.
Ач къарным, тынч къулагъым.
Болджал ишни бёрю ашар.
Окъуу – билимни ачхычы, окъуу – дунияны бачхычы.
Чабакъсыз кёлге къармакъ салгъанлыкъгъа, чабакъ тутмазса.
Эшекге миннген – биринчи айыб, андан джыгъылгъан – экинчи айыб.
Тил – кесген бычакъ, сёз – атылгъан окъ.
Башсыз урчукъ тюзюне айланмаз.
Оюмсуз атлагъан, аджалсыз ёлюр.
Ачлыкъ отха секиртир.
Ариу сёз – джаннга азыкъ, аман сёз – башха къазыкъ.
Аууздан келген, къолдан келсе, ким да патчах болур эди.
Ачылгъан эт джабылыр, кёрген кёз унутмаз.
Билгенни къолу къарны джандырыр.
Бет бетге къараса, бет да джерге къарар.
Ашха уста, юйюнде болсун
Къонакъ кёб келюучю юйню, къазаны отдан тюшмез.
Къайгъы тюбю – тенгиз.
Эллинг бла джау болсанг да, юйюнг бла джау болма.
Тюзлюк шохлукъну бегитир.
Хар ишни да аллы къыйынды.
Акъыл сабырлыкъ берир.
