Бозаны арты дауур болур.
Аууз сакълагъан – джан сакълар.
Джерни букъусу кёкге къонмаз.
Таула не мийик болсала да, аууш табылыр.
Уллу къазанда бишген эт, чий къалмаз.
Атынг аманнга чыкъгъандан эсе, джанынг тамагъынгдан чыкъсын.
Эринчекни аурууу – кёб.
Ана къолу ачытмаз.
Чабар ат – джетген къыз.
Бет бетге къараса, бет да джерге къарар.
Соргъан айыб тюлдю, билмеген айыбды.
Эте билген, этген этеди, эте билмеген, юретген этеди!
Джангыз терек къынгыр ёсер.
От этилмеген джерден тютюн чыкъмайды.
Ёлмесенг да, къарт дамы болмазса?
«Ёгюз, джаргъа джууукъ барма, меннге джюк боллукъса», - дегенди эшек.
Чабакъгъа акъыл, табагъа тюшсе келеди.
Телиге акъыл салгъандан эсе, ёлгеннге джан салырса.
Ёзденликни кёбю ётюрюк.
Адеб этмеген, адеб кёрмез.
Аджал соруб келмез, келсе, къайтыб кетмез.
Аманнга игилик этсенг, юйюнге сау бармазса.
Джангызны оту джарыкъ джанмаз!
Сабий болмагъан джерде, мёлек болмаз.
Уллу атлама – абынырса, уллу къабма – къарылырса.
Ойнай билмеген, оюн бузар.
Атлыны ашхысы, ат тизгининден билинир
Джарашыу сюйген – джалынчакъ.
Джиби бир къат джетмей эди да, эки къат тарта эди.
Джумушакъ сёз къаты таякъны сындырыр.
Кёбню кёрген – кёб билир.
Къонакъны къачан кетерин сорма, къачан келлигин сор.
Игилик игилик бла сингдирилиучю затды.
Алма терегинден кери кетмез.
Чакъырылмагъан къонакъ тёрге атламаз.
Ишленмеген джаш – джюгенсиз ат, ишленмеген къыз – тузсуз хант.
Ашлыкъны арба юйге келтирир, чана базаргъа элтир.
Къуллукъчума, деб махтанма, къуллукъ – хаух джамчыды!
Элни кючю – эмеген.
Джыгъылгъанны сырты джерден тоймаз.
Тау башында, тау болмаз, джангыз терек, бау болмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эри аманны, къатыны – аман.
Чакъырылмагъан джерге барма, чакъырылгъан джерден къалма.
Эл элде бирер малынг болгъандан эсе, бирер тенгинг болсун.
Юйюнг бла джау болгъандан эсе, элинг бла джау бол.
Тынгылагъан тынгы бузар.
Кёб ант этген, кёб ётюрюк айтыр.
Хатерли къул болур.
Аш кетер да бет къалыр.
