Олтуруб кёрюнмей эди да, ёрге туруб кёрюне эди.
Джол бла сёзню къыйыры джокъ.
Чакъырылмагъан джерге барма, чакъырылгъан джерден къалма.
Джарлыны тону джаз битер.
Кюлме джашха – келир башха.
Бёрю да ач къалмасын, эчки да ашалмасын.
Экиндини кеч къылсанг, чабыб джетер ашхам.
Ариу сёз – къылычдан джити.
Ишни аллы бла къууанма да, арты бла къууан.
Джаш болсун, къыз болсун, акъылы, саны тюз болсун.
Кесине гебен этелмеген, биреуге черен эте эди.
Зар адамны насыбы болмаз.
Игини сыйлагъан адетди.
Ач бёрюге мекям джокъ.
Тили узунну, намысы – къысха.
Эр абынмай, эл танымаз.
Ишленмеклик адамлыкъды.
Ойнай билмеген, уруб къачар.
Шапа кёб болса, аш татымсыз болур.
Чалманны аллы къалай башланса, арты да алай барады.
Аман адам элни бир-бирине джау этер.
Суу да къайтады чыкъгъан джерине.
Сабий болмагъан джерде, мёлек болмаз.
Чыкълы кюнде чыкъмагъан, чыкъса къуру кирмеген.
Юре билмеген ит, къонакъ келтирир.
Сёз – кюмюш, джыр – алтын.
Ёксюзню тилеги къабыл болур.
Тёгюлген тюгел джыйылмайды.
Ана къолу ачытмаз.
Сабыр джетер муратха, сабырсыз къалыр уятха.
Aдам боллукъ, сыфатындан белгили.
Азыкъ аз болса, эртде орун сал.
Юреннген ауруу къалмаз.
Огъурлуну сёзю – суу, огъурсузну сёзю – уу.
Нёгер болсанг, тенг бол, тенг болмасанг, кенг бол.
Акъыллы айтыр эди, акъылсыз къоймайды.
Къызбайны юйюне дери сюрсенг, батыр болур.
Кесине оноу эте билмеген, халкъына да эте билмез.
Аллахдан тилесенг, кёб тиле.
Къыз тиширыу кеси юйюнде да къонакъды.
Акъыл аздырмаз, билим тоздурмаз.
Кютгени беш эчки, сызгъыргъаны уа, джерни джарады.
Туз, гырджын аша, тюзлюк бла джаша.
Къайгъыны сюйген, къайгъы табар.
Сакъалы текени да бар, мыйыгъы киштикни да бар.
Ауузу бла къуш тута айланады.
Биреуню тёрюнден, кесинги эшик артынг игиди.
Айтылгъан сёз ызына къайтмаз.
Алгъанда – джууукъ, бергенде – джау.
Рысхы джалгъанды: келген да этер, кетген да этер.
