- Сагъыш – къартлыкъгъа сюйюмчю.
- Хунаны тюбюн къазсанг, юсюнге ауар.
- Джашны джигитлиги сорулур, къызны джигерлиги сорулур.
- Айранын берсенг, челегин да къызгъанма.
- Ашхы атаны – джашы ашхы, ашхы ананы – къызы ашхы.
- Агъач – джерни чырайы, кийим – эрни чырайы.
- Эринчекни эр алмаз, эр алса да, кёл салмаз, кёл салса да, кёб бармаз!
- Нафысынгы айтханын этме, намысынгы айтханын эт.
- Чомартны къолун джокълукъ байлар.
- Ханы къызы буюгъа-буюгъа киштик болду.
- Айныгъанлы алты кюн, тогъайгъанлы тогъуз кюн.
- Байлыкъ тауусулур, билим тауусулмаз.
- Ётюрюкню къуйругъу – бир тутум.
- Сабийликде юретмесенг, уллу болса – тюзелмез.
- Акъыл аздырмаз, билим тоздурмаз.
- Кёзюнде тереги болгъан, чёбю болгъаннга кюле эди.
- Ауузу бла къуш тута айланады.
- Байма, деб да, къууанма, джарлыма, деб да, джылама.
- Ашлыкъ – бюртюкден, джюн – тюкден.
- Тилчиден кери бол.
- Къаллай салам берсенг, аллай джууаб алырса.
- Ач, тоймам, дейди, тойгъан, ач болмам, дейди.
- Сагъышы джокъ – джукъучу, акъылы джокъ – къаугъачы.
- Биреуню къыйынлыгъы бла кесинге джол ишлеме.
- Кёл – къызбай, къол – батыр.
- Къан бла кирген, джан бла чыгъар.
- «Ма», - дегенни билмесенг, «бер», - дегенни билмезсе.
- Башсыз урчукъ тюзюне айланмаз.
- Танг атмайма десе да, кюн къоярыкъ тюйюлдю.
- Тил – миллетни джаны.
- Кечеси – аяз, кюню – къыш, джарлы къаргъагъа бир аш тюш!
- Адам къаллай бир ишленмесе, аллай бир кесин уллу кёреди.
- Ханнга да келеди хариблик.
- Къатын байлыкъны сюер, эр саулукъну сюер.
- Экиндини кеч къылсанг, чабыб джетер ашхам.
- Тенгни тенглиги джашай барсанг билинир.
- Гугук кесини атын айтыб къычыргъанча, мен, мен деб нек тураса?
- Чакъырылмагъан къонакъ – орунсуз.
- Эте билген, этген этеди, эте билмеген, юретген этеди!
- Агъач халкъгъа алтынды, иссиликге салкъынды.
- Хар сёзню орну барды.
- Рысхысына кёре, джаш ёсер, къышлыгъына кёре, мал ёсер.
- Къыз тиширыу кеси юйюнде да къонакъды.
- Аманны эки битли тону болур, бирин сеннге кийдирир, бирин кеси киер.
- Къыз келсе, джумуш эте келеди, къатын келсе, ушакъ эте келеди.
- Адамны артындан къара сабан сюрме.
- Ауругъан – джашаудан умутчу.
- Джырына кёре эжиую.
- Тил джюрекге джол ишлейди.
- Уллу атлама – абынырса, уллу къабма – къарылырса.