- Ёпкелегенни ашы татлы болады.
- Ургъан суудан башынгы сакъла.
- Ашлыкъ – бюртюкден, джюн – тюкден.
- Айранны сюйген, ийнек тутар.
- Адам боллукъ, атламындан белгили болур.
- Джыйырма къойну юч джыйырма эбзе кюте эди.
- Баргъанынга кёре болур келгенинг.
- Этим кетсе да, сюегим къалыр.
- Байлыкъ келсе, акъыл кетер.
- Суугъа – чабакъ, къаягъа – ыргъакъ.
- Ашхылыкъ джерде джатмайды, аманлыкъ суугъа батмайды.
- Сыфатында болмагъаны, суратында болмаз.
- Юреннген ауруу къалмаз.
- Кёбню кёрген – кёб билир.
- Джети тилни билген джети кишиди.
- Ашына кёре табагъы, балына кёре къалагъы.
- Чакъырылмагъан къонакъ – орунсуз.
- Джуртун къоругъан озар.
- Эртде тургъан джылкъычыны эркек аты тай табар.
- Орундукъ тюбюнде атылсам да, орта джиликме, де да айлан.
- Кёзю сокъурдан – къоркъма, кёлю сокъурдан – къоркъ.
- Бал чибинни ургъаны – ачы, балы – татлы.
- Сёз садакъдан кючлюдю.
- Аз сёлеш, кёб ишле.
- Кийим тукъум сордурур.
- Мураты болгъанны джюрек тебюую башхады.
- Билген билмегенни юретген адетди.
- Бети бедерден, намыс сакълама.
- Ашхы сёз таш тешер.
- Къобан да къуру да къобханлай турмайды, адам да къуру да патчахлай турмайды.
- Бир абыннган – минг сюрюнюр.
- Тыш элде солтан болгъандан эсе, кесинги элде олтан болгъан игиди!
- Билгенни къолу къарны джандырыр.
- Алтыннга тот къонмаз.
- Таула не мийик болсала да, аууш табылыр.
- Билим ат болуб да чабар, къуш болуб да учар.
- Тилсиз миллет джокъ болур.
- Накъырда – кертини келечиси.
- Ышармагъан – кюлмез, кюлмеген – къууанчны билмез.
- Бек анасы джыламаз.
- Джумушакъ сёз къаты таякъны сындырыр.
- Мен да «сен», дейме, сен да «кесим», дейсе.
- Абынмазлыкъ аякъ джокъ, джангылмазлыкъ джаякъ джокъ.
- Аз сёлешген, къайгъысыз турур.
- Урунуу – насыбны анасы.
- Аякъларынгы джууургъанынга кёре узат.
- Малны кют, джерни тюрт.
- Кёлю джокъну – джолу джокъ.
- Ачылгъан эт джабылыр, кёрген кёз унутмаз.
- Болджал ишни бёрю ашар.
Alenka)
|