- Ашарыкъда сайлагъаннга – чий гырджын.
- Аз айтсам, кёб ангылагъыз.
- Ёксюзню тилеги къабыл болур.
- Атлыны ашхысы, ат тизгининден билинир
- Къуллукъчума, деб махтанма, къуллукъ – хаух джамчыды!
- Этек чакъмакълары баш джаргъан, сёлешген сёзлери таш джаргъан.
- Ишленмеклик адамлыкъды.
- Тура эдим джата, къайдан чыкъды хата?
- Айыбны суу бла джууалмазса.
- Хантына кёре тузу, юйюне кёре къызы.
- Къобан да къуру да къобханлай турмайды, адам да къуру да патчахлай турмайды.
- Ашхы болсанг, атынг чыгъар, аман болсанг, джанынг чыгъар.
- Сабыр джетер муратха, сабырсыз къалыр уятха.
- Акъыл сабырлыкъ берир.
- Аман адамны тепсинге олтуртсанг, къызынгы тилер.
- Тенгинг джокъ эсе – изле, бар эсе – сакъла!
- Тили узунну, намысы – къысха.
- Сангырау къулакъ эл бузар.
- Джаш къарыу бла кючлю, къарт акъыл бла кючлю.
- Иши джокъну, сыйы джокъ.
- Ёлген аслан – сау чычхан.
- Ётюрюкден тюбю джокъ, кёлтюрюрге джиби джокъ.
- Намысы джокъну – дуниясы джокъ.
- Адам сёзге тынгыла, акъыл сёзню ангыла.
- Игиге айтсанг – билир, аманнга айтсанг – кюлюр.
- Эрни эр этерик да, къара джер этерик да, тиширыуду.
- Къонакъ аз олтурур, кёб сынар.
- Терслик кетер, тюзлюк джетер.
- Айраннга суу къош, телиге джол бош.
- Ачлыкъда тары гырджын халыуадан татлы.
- Сибиртки да сыйлы болду, кюрек да кюнлю болду.
- Байлыкъдан саулукъ ашхыды.
- Суу кетер, таш къалыр.
- Алгъанда – джууукъ, бергенде – джау.
- Тил – кесген бычакъ, сёз – атылгъан окъ.
- Эл бла кёргенинг эрелей.
- Джиби бир къат джетмей эди да, эки къат тарта эди.
- Кирсизни – саны таза, халалны – къаны таза.
- Эл ауузу – элек, анга ийнаннган – халек.
- Садакъачыны джаны – къапчыгъында.
- Баш – акъыл ючюн, акъылман – халкъ ючюн.
- Аманны эки битли тону болур, бирин сеннге кийдирир, бирин кеси киер.
- Билмегенинги, билгеннге сор.
- Сыфатында болмагъаны, суратында болмаз.
- Къыз келсе, джумуш эте келеди, къатын келсе, ушакъ эте келеди.
- Башы джабылгъан челекге, кир тюшмез.
- Кёлсюзден сёзсюз тууар.
- Айырылгъанланы айю ашар, бёлюннгенлени бёрю ашар.
- Тойну къарнашы – харс, джырны къарнашы – эжиу.
- Ач отунчуну ачыуу – бурнунда.