Эльбрусоид :: Эльбрусоид

Алтыда кюлмеген, алтмышда кюлмез.
Къарнынг тойгъунчу аша да, белинг талгъынчы ишле.
Джол бла сёзню къыйыры джокъ.
Халкъны джырын джырласанг, халкъ санга эжиу этер.
Къууут – джелге, берне – бошха.
Терек ауса, отунчу – кёб.
Эм уллу байлыкъ – джан саулукъ.
Адам туугъан джеринде, ит тойгъан джеринде.
Башда акъыл болмаса, эки аякъгъа кюч джетер.
Билеги кючлю, бирни джыгъар, билими кючлю, мингни джыгъар.
Къартны сыйын кёрмеген, къартлыгъында сыйлы болмаз.
Джашда акъыл джокъ, къартда къарыу джокъ.
Керти сёзге тёре джокъ.
Джюрекге ариу – кёзге да ариу.
Эрине къаргъыш этген къатын, эрнин къабар.
Дуния мал дунияда къалады.
Къаллай салам берсенг, аллай джууаб алырса.
Таш бла ургъанны, аш бла ур.
Айраннга суу къош, телиге джол бош.
Кёпюр салгъан кеси ётер, уру къазгъан кеси кетер.
Алгъанда – джууукъ, бергенде – джау.
Ач къалгъандан, кеч къалгъан къолай.
Кёзден кетген, кёлден да кетеди.
Намысы джокъну – дуниясы джокъ.
Тойгъан джерге джети къайт.
Ашхы – джыяр, аман – джояр.
Этек чакъмакълары баш джаргъан, сёлешген сёзлери таш джаргъан.
Элге къуллукъ этмеген, элге ие болмаз.
Къумурсхала джыйылсала, пилни да джыгъадыла.
Ашхы болсанг, атынг чыгъар, аман болсанг, джанынг чыгъар.
Ётюрюкден тюбю джокъ, кёлтюрюрге джиби джокъ.
Чакъырылмагъан къонакъ къачан кетерин сормаз.
Уллу къашыкъ эрин джыртар.
Чалманны аллы къалай башланса, арты да алай барады.
Тойчу джашха къарама, къойчу джашха къара.
Къайгъы тюбю – тенгиз.
Таш ата билмеген, башына урур.
Джерни букъусу кёкге къонмаз.
Ачлыкъ отха секиртир.
Адамны аманы адамны бети бла ойнар.
Элде адам къалмаса, ит тахтагъа минер.
Аджашханны ызындагъы кёреди, джангылгъанны джанындагъы биледи.
Къар – келтирди, суу – элтди.
От кюйдюрген, сау болса да, тот кюйдюрген, сау болмаз.
Хар зат кесини орнуна иги.
Акъыл къартда, джашда тюйюлдю – башдады.
Кесине гебен этелмеген, биреуге черен эте эди.
Къарнынг къанлынга кийирир.
Тил бла келеди джыр да.
Уллу атлама – абынырса, уллу къабма – къарылырса.