- Орундукъ тюбюнде атылсам да, орта джиликме, де да айлан.
- Ач уят къоймаз.
- Кёпюр салгъан кеси ётер, уру къазгъан кеси кетер.
- Эрине къаргъыш этген къатын, эрнин къабар.
- Арыгъан къош чамчы болур.
- Арбаз сайлама да, хоншу сайла.
- Эллинг бла джау болсанг да, юйюнг бла джау болма.
- Ариу джол аджал келтирмез.
- Тёзген – тёш ашар!
- Термилгенинги табмазса, кюлгенинге тюберсе.
- «Ма», - дегенни билмесенг, «бер», - дегенни билмезсе.
- Ёлген ийнек сютлю болур.
- Сабыр джетер муратха, сабырсыз къалыр уятха.
- Джюрекден джюрекге джол барды.
- Билим – акъылны чырагъы.
- Аманнга игилик этсенг, юйюнге сау бармазса.
- Билим къая тешер.
- Айыбны суу бла джууалмазса.
- Чакъырылгъанны аты, чакъырылмагъанны багъасы болур.
- Биреуню тёрюнден, кесинги эшик артынг игиди.
- Тойгъа барсанг, тоюб бар, эски тонунгу къоюб бар.
- Кийим тукъум сордурур.
- Къарнынг тойгъунчу аша да, белинг талгъынчы ишле.
- От кюйдюрген, сау болса да, тот кюйдюрген, сау болмаз.
- Айран ичген – къутулду, джугъусун джалагъан – тутулду.
- Таугъа чыгъаллыкъ эсенг, тюзде къалма.
- Джангызны оту джарыкъ джанмаз!
- Рысхы – сют юсюнде кёмюк кибикди.
- Тенги кёбню джау алмаз, акъылы кёбню дау алмаз.
- Джаным-тиним – окъуу, билим.
- Ашхы болсанг, атынг чыгъар, аман болсанг, джанынг чыгъар.
- Итли къонакъ джарашмаз.
- Байны къызы баймакъ болса да, юйде къалмаз!
- Къартха ушагъан джаш – акъыллы, джашха ушагъан къарт – тели.
- Адамны аманы адамны бети бла ойнар.
- Сабий кёргенин унутмаз.
- Дженгил джетерикме деб, узун джолну къоюб, къысхасын барма.
- Къаллай салам берсенг, аллай джууаб алырса.
- Сагъышы джокъ – джукъучу, акъылы джокъ – къаугъачы.
- Къан бла кирген, джан бла чыгъар.
- Тёрени джагъы джокъ.
- Къонакъ аз олтурур, кёб сынар.
- Аш иеси бла татлыды.
- Кюл тюбюндеги от кёрюнмейди.
- Ач къарынны, токъ билмез
- Тенгинг джокъ эсе – изле, бар эсе – сакъла!
- Этек чакъмакълары баш джаргъан, сёлешген сёзлери таш джаргъан.
- Ачны эсинде – аш.
- Азыгъы аз, алгъа къабар, аты аман, алгъа чабар.
- Джаш болсун, къыз болсун, акъылы, саны тюз болсун.