Эльбрусоид :: Эльбрусоид

Агъач халкъгъа алтынды, иссиликге салкъынды.
Магъанасыз сёз – тауушсуз сыбызгъы.
Юре билмеген ит, къонакъ келтирир.
Ана – юйню кюн джарыгъы.
Сабий кёргенин унутмаз.
Биреу ашаб къутулур, биреу джалаб тутулур.
Къызны минг тилер, бир алыр.
Айран ичген – къутулду, джугъусун джалагъан – тутулду.
Ёлюр джаннга, ёкюл джокъ.
Уллу сёзде уят джокъ.
Арбаз сайлама да, хоншу сайла.
Тулпарлыкъ, билекден тюл – джюрекден.
Билими азны – ауузунда кирит.
Баргъанынга кёре болур келгенинг.
Ашха уста, юйюнде болсун
Къайтырыкъ эшигинги, къаты уруб чыкъма.
Дуния мал дунияда къалады.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Этни да ашады, бетни да ашады.
Бир абыннган – минг сюрюнюр.
Тёрде – темир таякълы, къаяда – чыпчыкъ аякълы.
Билеги кючлю, бирни джыгъар, билими кючлю, мингни джыгъар.
Урама да – ёледи, сатама да – келеди.
Мухар, кеси тойса да, кёзю тоймаз.
Къралынгы – душмандан, башынгы от бла суудан сакъла.
Уясында не кёрсе, учханында аны этер.
Тилчиден кери бол.
Айырылгъанланы айю ашар, бёлюннгенлени бёрю ашар.
Гыдай эчки суугъа къараб, мюйюзле кёрмесе, джашма алкъын, дегенди.
Къарт айтханны этмеген, къартаймаз.
Махтаннган къыз, тойда джукълар.
Агъач – джерни чырайы, кийим – эрни чырайы.
Тюзлюк тас болмайды.
Ач къалгъандан, кеч къалгъан къолай.
Биреуню эскиси биреуге джангы болмайды.
Эр абынмай, эл танымаз.
Хаухну атма, ёнгкючню сатма.
Аз сёлешген, къайгъысыз турур.
Чабакъгъа акъыл, табагъа тюшсе келеди.
Суу кетер, таш къалыр.
Джюрекге ариу – кёзге да ариу.
Эки къатын алгъанны къулагъы тынгнгаймаз.
Ач да бол, токъ да бол – намысынга бек бол.
Эки къатын алгъан – эки ташны ортасына башын салгъан.
Билимден уллу байлыкъ джокъду.
Аман адамны тепсинге олтуртсанг, къызынгы тилер.
Къатын байлыкъны сюер, эр саулукъну сюер.
Ётюрюкчюню шагъаты – къатында.
Къуллукъчума, деб махтанма, къуллукъ – хаух джамчыды!
Къонакъны къачан кетерин сорма, къачан келлигин сор.