- Кёкдеги болмаса, джердегин кёрмейди.
- Ышармагъан – кюлмез, кюлмеген – къууанчны билмез.
- Аз айтсам, кёб ангылагъыз.
- Джерни букъусу кёкге къонмаз.
- Гитче джилтин уллу элни джандырыр.
- Къарт болгъан джерде, берекет болур, сабий болгъан джерде, оюн болур.
- Ашлыкъ – бюртюкден, джюн – тюкден.
- Зар адам ашынгы ашар, кесинги сатар.
- Айраннга суу къош, телиге джол бош.
- Ишлегенде эринме, ишде чолакъ кёрюнме.
- Джаз бир кюнню джатсанг, къыш талай кюнню абынырса.
- Зарда марда джокъ.
- Ач келгенни – тойдур, кеч келгенни – къондур.
- Сангырау къулакъ эл бузар.
- Аман эсирсе, юйюн ояр.
- Эринчекни аурууу – кёб.
- Къошда джокъгъа – юлюш джокъ.
- Хазыр ашха – терен къашыкъ.
- Рысхы джалгъанды: келген да этер, кетген да этер.
- Билим къая тешер.
- Ариу сёз аурууунгу алыр.
- Башда акъыл болмаса, эки аякъгъа кюч джетер.
- Аман адам этегингден тутса, кес да къач.
- Эркишини аманы тиширыуну джылатыр.
- Окъугъан озар, окъумагъан тозар.
- Чакъырылмагъан къонакъ тёрге атламаз.
- Хаухну атма, ёнгкючню сатма.
- Ойнай билмеген, оюн бузар.
- Тамчы таш тешер.
- Аджаллыгъа окъсуз шкок атылыр.
- Сёлеш деб шай берген, тохта деб, сом берген.
- Джигер – джаннга къыйынлыкъ.
- Ата Джуртуму башы болмасам да, босагъасында ташы болайым.
- Бойнуму джети джерден кессенг да, мен ол ишни этеллик тюлме.
- Къайгъы тюбю – тенгиз.
- Ариу сёзде ауруу джокъ.
- Къозулугъунда тоймагъан, къойлугъунда тоймаз.
- Келинни – келгинчи, бёркню кийгинчи кёр.
- Къатын байлыкъны сюер, эр саулукъну сюер.
- Келлик заман – къартлыкъ келтирир, кетген заман – джашлыкъ ёлтюрюр.
- Къыз тиширыу кеси юйюнде да къонакъды.
- Ашына кёре табагъы, балына кёре къалагъы.
- Билимли ёлмез, билимсиз кёрмез.
- Чакъырылмагъан къонакъ къачан кетерин сормаз.
- Эки ойлашыб, бир сёлешген.
- Къызбайны юйюне дери сюрсенг, батыр болур.
- Сёз къанатсыз учар.
- Эм уллу байлыкъ – джан саулукъ.
- Уллу атлама – абынырса, уллу къабма – къарылырса.
- Адеб базарда сатылмаз.