- Мени джылытмагъан кюн, меннге тиймесин!
- Ариу сёзде ауруу джокъ.
- Ачылгъан эт джабылыр, кёрген кёз унутмаз.
- Гугурук къычырмаса да, тангны атары къалмаз.
- Ёзденликни джайгъан – джокълукъ.
- Къатыны харакетли болса, эри къымсыз болур.
- Ашхы тенг джолгъа салыр, аман тенг джолдан тайдырыр.
- Айран ичген – къутулду, джугъусун джалагъан – тутулду.
- Тенгни тенглиги джашай барсанг билинир.
- Окъдан джара эртде-кеч болса да бителир, сёз джара, ёмюрге къалыр.
- Тиширыусуз юй – отсуз от джагъа.
- Магъанасыз сёз – тауушсуз сыбызгъы.
- Аз сёлешген, къайгъысыз турур.
- Кёбню кёрген – кёб билир.
- Халкъгъа джарагъан, джарлы къалмаз.
- Сабийни джумушха джибер да, ызындан бар.
- Босагъагъа джууукъ орун болса, ашыгъыб тёрге озма.
- Аманны къуугъан, аманлыкъ табар.
- Мал тутхан – май джалар.
- Кёпюр салгъан кеси ётер, уру къазгъан кеси кетер.
- Къарнынг ауруса, ауузунгу тый
- Бал – татлы, балдан да бала – татлы.
- Адеб базарда сатылмаз.
- Ишни аллы бла къууанма да, арты бла къууан.
- Чакъырылмагъан къонакъ – орунсуз.
- Келинин тута билмеген, къул этер, къызын тута билмеген, тул этер.
- Ёксюзню къалачы уллу кёрюнюр.
- Тойгъан джерге джети къайт.
- Къайгъы тюбю – тенгиз.
- Аллахдан тилесенг, кёб тиле.
- Рысхысына кёре, джаш ёсер, къышлыгъына кёре, мал ёсер.
- Къарнынг къанлынга кийирир.
- Ачлыкъда тары гырджын халыуадан татлы.
- Мал кёб болса, джууукъ кёб болур.
- Джан саулукъ бермей, сан саулукъ бермезсе.
- Сабыр джетер муратха, сабырсыз къалыр уятха.
- Тенги кёбню джау алмаз, акъылы кёбню дау алмаз.
- Хатерли къул болур.
- Къайтырыкъ эшигинги, къаты уруб чыкъма.
- Хоншуну тауугъу къаз кёрюнюр, келини къыз кёрюнюр.
- Душманны тышы – акъ, ичи – къара.
- Ким бла джюрюсенг, аны кёзю бла кёрюнюрсе.
- Аджал соруб келмез, келсе, къайтыб кетмез.
- Ёлюк кебинсиз къалмаз.
- Джарлыны эшигин махтагъан джабар.
- Мал ёлсе, сюек къалыр, адам ёлсе, иши къалыр.
- Джюз элде джюз ёгюзюм болгъандан эсе, джюз джууугъум болсун.
- Бойнуму джети джерден кессенг да, мен ол ишни этеллик тюлме.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёзден кетген, кёлден да кетеди.
zama-zvuk
|