Эльбрусоид :: Эльбрусоид

Сёз садакъдан кючлюдю.
Ана къолу ачытмаз.
Джарлыны тону джаз битер.
Ашхы болсанг, атынг чыгъар, аман болсанг, джанынг чыгъар.
Айраннга суу къош, телиге джол бош.
Ат да турмайды бир териде.
Иги – алгъыш этер, аман – къаргъыш этер.
Ёнгкюч къууана барыр, джылай келир.
Сибиртки да сыйлы болду, кюрек да кюнлю болду.
Къартха ушагъан джаш – акъыллы, джашха ушагъан къарт – тели.
Кийиминг бла танылма, адамлыкъ бла таныл.
Кёпюр салгъан кеси ётер, уру къазгъан кеси кетер.
«Ёгюз, джаргъа джууукъ барма, меннге джюк боллукъса», - дегенди эшек.
Тамырсыз терекге таянма – джыгъылырса.
Къатыны харакетли болса, эри къымсыз болур.
Джангыз торгъай джырламаз.
Эркиши – от, тиширыу – суу.
Ариу сёз джыланны орнундан чыгъарыр.
Сютден ауузу кюйген, суугъа юфгюре эди.
Кёз – сюйген джерде, къол – ауругъан джерде.
Адам сёзюнден белгили.
Билим къая тешер.
Арба аугъандан сора, джол кёргюзтюучю кёб болур.
Кёрмегеннге кебек – танг, битмегеннге сакъал – танг.
Билгенни къолу къарны джандырыр.
Къан бла кирген, джан бла чыгъар.
Ышармагъан – кюлмез, кюлмеген – къууанчны билмез.
Ата – баланы уясы.
Ишлегенде эринме, ишде чолакъ кёрюнме.
Чыкълы кюнде чыкъмагъан, чыкъса къуру кирмеген.
Ханы къызы буюгъа-буюгъа киштик болду.
Келинни – келгинчи, бёркню кийгинчи кёр.
Джырчы джырчыгъа – къарнаш.
Ишин билген, аны сыйын чыгъарады.
Магъанасыз сёз – тауушсуз сыбызгъы.
Сёлеш деб шай берген, тохта деб, сом берген.
Эки элинги тыйсанг, джети элде махталырса.
Мени джылытмагъан кюн, меннге тиймесин!
Берекет берсин деген джерде, берекет болур.
Кёзден кетген, кёлден да кетеди.
Ишлегенден, къарагъан уста.
Тау башында, тау болмаз, джангыз терек, бау болмаз.
Сагъыш – къартлыкъгъа сюйюмчю.
Кеси юйюмде мен да ханма.
Бойнуму джети джерден кессенг да, мен ол ишни этеллик тюлме.
Адам боллукъ, атламындан белгили болур.
Кийимни бичсенг, кенг бич, тар этген къыйын тюлдю.
Тюз сёз баргъан сууну тыяр.
Билимсиз иш бармаз.
Аман къатын сабий табса, бий болур…