Малкъар адабият Уллу Октябрь социалист революцнядан сора башланнган жаш адабиятладан бириди. Аны ёсюу, къуралыу жолу Къабарты-Малкъарда социализмни къуралыуу бла, малкъар халкъны экономика, политика, культура къуралыуу бла байламлы болгъанды. Ол кесини бусагъатдагъы даражасына жетишгинчи, эсе да бирси адабиятланы арасында кесини энчи ауазы эшитилип башлагъынчы ол уллу эм къыйын жолну арытыргъа тюшгенди. Энди малкъарны закий назмучулары Кязим Мечиев бла Къайсын Кулиев битеу къыралгъа белгилидиле.

Айхай да, бирси халкъланыча, малкъар халкъны да жазма адабияты къуру от жагъада тиргизилмегенди. Жашау ючюн узакъ кюрешимде малкъар халкъ кесини айтхылыкъ ниет культурасын къурагъанды. Аны белгисиз жырчыларыны, аны кибик, таурухчуларыны жюреклеринде туугъан халкъны бек ариу, бек иги, бек керти сёзю жыр не таурух болуп жашагъанды, жомакъларын, айтхылыкъ нартларын къурагъанды. Жашау эте келиуюнде, малкъар халкъ, битеу мудахлыгъын, жарсыуун, битеу иги муратларын, аны кибик тарыгъыуун, сюймекликге бла кишиликге, мамыр ниет бла жортууул усталыкъгъа кесини къарамын, ийнаныуун, фикирин айтады бу китапда.

Нальчик, 1978.