- Сёз къанатсыз учар.
- Джумушакъ терекни къурт ашар.
- Кёзню ачылгъаны – иги, ауузну джабылгъаны – иги.
- Махтаннган къыз, тойда джукълар.
- Гугурук къычырмаса да, тангны атары къалмаз.
- Джолунга кёре – джюрюшюнг, джагъанга кёре – юлюшюнг.
- Игиге айтсанг – билир, аманнга айтсанг – кюлюр.
- Чыкълы кюнде чыкъмагъан, чыкъса къуру кирмеген.
- Ойнай билмеген, уруб къачар.
- Окъумагъан сокъурду, сокъур ташха абыныр!
- Тойгъан джерден туугъан джер игиди.
- Кюлме джашха – келир башха.
- Айтхан – тынч, этген – къыйын.
- Ачыу алгъа келсе, акъыл артха къалады.
- Джарлыны тону джаз битер.
- Тёрдеги кюлсе, эшикдеги ышарыр.
- Ариуну – ауруу кёб.
- Къазанда болса, чолпугъа чыгъар.
- Къолу уллу – асыу, аягъы уллу – джарсыу.
- Биреу къой излей, биреу той излей.
- Кечеси – аяз, кюню – къыш, джарлы къаргъагъа бир аш тюш!
- Эм уллу байлыкъ – джан саулукъ.
- Шайтан алдады, тюзлюк къаргъады.
- Мал тутхан – май джалар.
- Кёзден кетген, кёлден да кетеди.
- Аш иеси бла татлыды.
- Бетинги сатма, малынгы сат.
- Суу кетер, таш къалыр.
- Элге къуллукъ этмеген, элге ие болмаз.
- Тилсиз миллет джокъ болур.
- Таукел адам тау тешер.
- Кенгеш болса, уруш болмаз.
- Ауузу аманнга «иги», деме.
- «Ма», - дегенни билмесенг, «бер», - дегенни билмезсе.
- Къалгъан ишге къар джауар.
- Эки итни арасына сюек атма, эки адамны арасында сёз чыгъарма.
- Эркишиге тары кебек танг кёрюнюр.
- Хатерли къул болур.
- Минг тенг да азды, бир джау да кёбдю.
- Булут кёкге джарашыу, уят бетге джарашыу.
- Тешик этген тынчды, аны джамагъан къыйынды.
- Ёзденликни джайгъан – джокълукъ.
- Аллахдан тилесенг, кёб тиле.
- Къатыны харакетли болса, эри къымсыз болур.
- Бозанг болмагъан джерге, къалагъынгы сукъма.
- Уллу къашыкъ эрин джыртар.
- Сагъыш – къартлыкъгъа сюйюмчю.
- Къуру гыбыт бек дыгъырдар.
- Джашны джигитлиги сорулур, къызны джигерлиги сорулур.
- Танг атмайма десе да, кюн къоярыкъ тюйюлдю.
40, 52 дня. Нововведения в Исламских похоронах.
Ответы
06.11.2017 00:25:11
Хызенчиле энтда хорлай барадыла, дейме...
|
|
|
|
08.11.2017 05:50:56
Ёлген адамны юйдегиси мал кесиб, элге (хоншугъа, тийреге, джууукълагъа) юлюшле чачсала (сууабы ёлген адамгъа болсун деб), ол сууаб джазыламыды елген адамгъа?
|
|
|
|
08.11.2017 12:51:36
AMG, тюз иннет бла, ислам диннге келишгенича этсенг, Аллах айтса, джазыллыкъды.
Ол да къалай болады: Биринчиси, динибизде быллай бир кюнде быллай зат этилирге керекди деб, динибизге къошакъ этмезге (52 кюн, джыл кибик заманланы сайлагъан кибик...) Экинчиси: къуру Аллахны разылыгъы ючюн этерге (адамгъа сууаб болсун, керекли адамлагъа да болушайым, бу да Аллахны разылыгъын табарча ишди), кёзбаулукъладан, адамладан махтауланы излеуден, неда бир адетди, этейим да башымы алайым кибик сагъышладан узакъ болургъа. Ючюнчюсю: кёб сууаб излеген эм алгъа джарлыланы эсге алыргъа, андан къалгъанланы ызы бла сагъыш этерге. Артыкъсыз да джарсылу, керекли джерле бар эселе. Тёртюнчюсю: рысхысы болургъа керекди. Ансы кеси юйдегиси, сабийлерине къарамай, сууаб этеме деб, тёрт джанына чачыу да тюз зат тюлдю. Бек джарсыулу юйдеги дейме, ансы омакъ юйле, мешнала алыу кибик бир кёб затны излеб тебресе адам, ёмюрде да сууабха джукъ табарыкъ тюлдю. Биздеча заманлада, акъылы болгъан, игиликни излеген хар адамны разы болмазлыгъы, бизни бюгюннгю маулут джоюмла деб, къуру да къайгъы, сёз джюрюу, имамлагъа эм динибизге муну юсю бла сёзле джетдирилиб, муфтият огъуна аны юсю бла фатуала джарашдырыб кюрешген джерде, бу затла болмаз ючюн кюрешиуню орнуна, маулутланы бардырыб, малла кесиулеге къошулгъанла, терсликге болушадыла. Быллай терс ишлеге болушхан а иги зат болмагъаны белгилиди да. Ансы, айтханымча, бу затланы къатышдырмай, мадары да бар эсе, къаллай бир игилик этала эсе этсин. Хоншусуна да, джууугъуна да, нёгерлерине да чача берсин. Башха динден болгъанлагъа огъуна, ислам динни сюйдюрюр иннет бла чачса, аман болмаз... Кёб зат, алайсыз да ёргеде да джазылыбды... |
|
|
|
09.11.2017 01:26:41
AMG, къайдам аны уа. Айтханымча, къаллай бир замандан бери бу дауурла барадыла. Былагъа къаршчы болуб, юйюнде англатыб кюрешген адамлары болмагъан да хазна къалгъан болмаз. Алгъадан да эшитиб, хазыр болурча болуб турадыла. Ауушханына игиликни излеген, кёбюрек сууабны сагъышын этген соруб билирге, эм табы къалай эсе аны этерге кюреширге керекди бола тургъанлай, бир болмагъан затла джабышыб, хар ким къалай эсе, биз да алайбыз кибик хапарла бла къарышыб турмазгъа керекди. Бу сагъатда, ёргеге да джазгъанымча, Муфтиятыбыз да быллай джоюмланы тюз затла болмагъанын, этмезге кереклисин айтыб кюрешеди.
Бу затла барысы джазылыбдыла ёргеде, къайтарыб турмайым. Джангы зат эсиме тюшсе, къоша барама. Бизни хар бирибиз бу затлагъа эс бёлюрге тырмашыргъа, быллай затланы тыйдырыр джанындан болургъа кюреширге керекбиз. Осиятланы джазгъан бла болса да, къолубуздан келгенни артха тыймазгъа. |
|
|
|
09.11.2017 01:38:02
AMG, сеннге энчи айтыуум джокъду. Былайда адеблисича соруу сораса, ариу халда джууаб къайтараса.
|
||||
|
|
|||
Читают тему (гостей: 1)