- Башы ишлегенни, ауузу да ишлер.
- От кюйдюрген, сау болса да, тот кюйдюрген, сау болмаз.
- Кёбден умут этиб, аздан къуру къалма.
- Чабакъсыз кёлге къармакъ салгъанлыкъгъа, чабакъ тутмазса.
- Чакъырылмагъан къонакъ тёрге атламаз.
- Игилик игилик бла сингдирилиучю затды.
- Мал кёб болса, джууукъ кёб болур.
- Итли къонакъ джарашмаз.
- Насыб бютеу халкъны юлюшюдю.
- Адамны артындан къара сабан сюрме.
- Кёлсюзден сёзсюз тууар.
- Билимден уллу байлыкъ джокъду.
- Ашыкъгъан cуу, тенгизге джетмез.
- Аджалсыз ёлюм болмаз.
- Уллу суу бла уллу ауруудан башынгы сакъла.
- Узун джолну барсанг, бюгюн келирсе, къысха джолну барсанг, тамбла келирсе.
- Къарын къуру болса, джюрек уру болур.
- Эл тойса, тоймагъан, эл къойса, къоймагъан.
- Чомартны къолу берекет.
- Кёзю сокъурдан – къоркъма, кёлю сокъурдан – къоркъ.
- Кёкдеги болмаса, джердегин кёрмейди.
- Киштикге къанат битсе, чыпчыкъ къалмаз эди.
- Кёбню кёрген – кёб билир.
- Джарлы джети элни сёзюн этер.
- Хазыр ашха – терен къашыкъ.
- Аман киши кеси юйюнде – къонакъ.
- Чыкълы кюнде чыкъмагъан, чыкъса къуру кирмеген.
- Ёлмесенг да, къарт дамы болмазса?
- Термилгенинги табмазса, кюлгенинге тюберсе.
- Къарт айтханны этмеген, къартаймаз.
- Башда акъыл болмаса, эки аякъгъа кюч джетер.
- Ауурну тюбю бла, дженгилни башы бла джюрюген.
- Кесине гебен этелмеген, биреуге черен эте эди.
- Арпа, будай – ащды, алтын, кюмюш а – ташды.
- Сангырау къулакъ эл бузар.
- Чакъырылмай келген къонакъ сыйланмай кетер.
- Адам къыйынлыгъын кёлтюрюр, зауукълугъун кёлтюрмез.
- Сакъламагъан затынга джолукъсанг, не бек къууанаса, не бек ачыйса.
- Биреуню къыйынлыгъы бла кесинге джол ишлеме.
- Мухардан ач ычхынмаз.
- Тойгъан джерден туугъан джер игиди.
- Адеб базарда сатылмаз.
- Тёгюлген тюгел джыйылмайды.
- Айраннга суу къош, телиге джол бош.
- Накъырда – кертини келечиси.
- Минг тенг да азды, бир джау да кёбдю.
- Аман адам элни бир-бирине джау этер.
- Адамны аты башхача, акъылы да башхады.
- Элде адам къалмаса, ит тахтагъа минер.
- Къатыны харакетли болса, эри къымсыз болур.
40, 52 дня. Нововведения в Исламских похоронах.
Ответы
06.11.2017 00:25:11
Хызенчиле энтда хорлай барадыла, дейме...
|
|
|
|
08.11.2017 05:50:56
Ёлген адамны юйдегиси мал кесиб, элге (хоншугъа, тийреге, джууукълагъа) юлюшле чачсала (сууабы ёлген адамгъа болсун деб), ол сууаб джазыламыды елген адамгъа?
|
|
|
|
08.11.2017 12:51:36
AMG, тюз иннет бла, ислам диннге келишгенича этсенг, Аллах айтса, джазыллыкъды.
Ол да къалай болады: Биринчиси, динибизде быллай бир кюнде быллай зат этилирге керекди деб, динибизге къошакъ этмезге (52 кюн, джыл кибик заманланы сайлагъан кибик...) Экинчиси: къуру Аллахны разылыгъы ючюн этерге (адамгъа сууаб болсун, керекли адамлагъа да болушайым, бу да Аллахны разылыгъын табарча ишди), кёзбаулукъладан, адамладан махтауланы излеуден, неда бир адетди, этейим да башымы алайым кибик сагъышладан узакъ болургъа. Ючюнчюсю: кёб сууаб излеген эм алгъа джарлыланы эсге алыргъа, андан къалгъанланы ызы бла сагъыш этерге. Артыкъсыз да джарсылу, керекли джерле бар эселе. Тёртюнчюсю: рысхысы болургъа керекди. Ансы кеси юйдегиси, сабийлерине къарамай, сууаб этеме деб, тёрт джанына чачыу да тюз зат тюлдю. Бек джарсыулу юйдеги дейме, ансы омакъ юйле, мешнала алыу кибик бир кёб затны излеб тебресе адам, ёмюрде да сууабха джукъ табарыкъ тюлдю. Биздеча заманлада, акъылы болгъан, игиликни излеген хар адамны разы болмазлыгъы, бизни бюгюннгю маулут джоюмла деб, къуру да къайгъы, сёз джюрюу, имамлагъа эм динибизге муну юсю бла сёзле джетдирилиб, муфтият огъуна аны юсю бла фатуала джарашдырыб кюрешген джерде, бу затла болмаз ючюн кюрешиуню орнуна, маулутланы бардырыб, малла кесиулеге къошулгъанла, терсликге болушадыла. Быллай терс ишлеге болушхан а иги зат болмагъаны белгилиди да. Ансы, айтханымча, бу затланы къатышдырмай, мадары да бар эсе, къаллай бир игилик этала эсе этсин. Хоншусуна да, джууугъуна да, нёгерлерине да чача берсин. Башха динден болгъанлагъа огъуна, ислам динни сюйдюрюр иннет бла чачса, аман болмаз... Кёб зат, алайсыз да ёргеде да джазылыбды... |
|
|
|
09.11.2017 01:26:41
AMG, къайдам аны уа. Айтханымча, къаллай бир замандан бери бу дауурла барадыла. Былагъа къаршчы болуб, юйюнде англатыб кюрешген адамлары болмагъан да хазна къалгъан болмаз. Алгъадан да эшитиб, хазыр болурча болуб турадыла. Ауушханына игиликни излеген, кёбюрек сууабны сагъышын этген соруб билирге, эм табы къалай эсе аны этерге кюреширге керекди бола тургъанлай, бир болмагъан затла джабышыб, хар ким къалай эсе, биз да алайбыз кибик хапарла бла къарышыб турмазгъа керекди. Бу сагъатда, ёргеге да джазгъанымча, Муфтиятыбыз да быллай джоюмланы тюз затла болмагъанын, этмезге кереклисин айтыб кюрешеди.
Бу затла барысы джазылыбдыла ёргеде, къайтарыб турмайым. Джангы зат эсиме тюшсе, къоша барама. Бизни хар бирибиз бу затлагъа эс бёлюрге тырмашыргъа, быллай затланы тыйдырыр джанындан болургъа кюреширге керекбиз. Осиятланы джазгъан бла болса да, къолубуздан келгенни артха тыймазгъа. |
|
|
|
09.11.2017 01:38:02
AMG, сеннге энчи айтыуум джокъду. Былайда адеблисича соруу сораса, ариу халда джууаб къайтараса.
|
||||
|
|
|||
Читают тему (гостей: 1)