- Къолунгдан къуймакъ ашатсанг да, атаны борчундан къутулмазса.
- Эртде тургъан джылкъычыны эркек аты тай табар.
- Эл элде бирер малынг болгъандан эсе, бирер тенгинг болсун.
- Чомартны къолу берекет.
- Этек чакъмакълары баш джаргъан, сёлешген сёзлери таш джаргъан.
- Тойгъан джерге джети къайт.
- Юйюнгден чыкъдынг – кюнюнгден чыкъдынг.
- Окъугъанны бети джарыкъ.
- Юйюнг бла джау болгъандан эсе, элинг бла джау бол.
- Хар адамгъа кеси миннген тау кибик.
- Юре билмеген ит, къонакъ келтирир.
- Байлыкъдан саулукъ ашхыды.
- Ач къарынны, токъ билмез
- Мени джылытмагъан кюн, меннге тиймесин!
- Зар адам ашынгы ашар, кесинги сатар.
- Кимни – тили, тиши онглу, кимни – къолу, иши онглу.
- Тас болгъан бычакъны сабы – алтын.
- Тура эдим джата, къайдан чыкъды хата?
- Атадан ёксюз – бир ёксюз, анадан ёксюз – эки ёксюз.
- Эм ашхы къайын ана мамукъ бла башынгы тешер.
- Соргъан айыб тюлдю, билмеген айыбды.
- Тил джюрекге джол ишлейди.
- Тилчи тилден къаныкъмаз.
- Юреннген ауруу къалмаз.
- Чакъырылмагъан къонакъ тёрге атламаз.
- Башы ишлегенни, ауузу да ишлер.
- Гырджын – тепсини тамадасы.
- Чомартны къолун джокълукъ байлар.
- Зарда марда джокъ.
- Сёз къанатсыз учар.
- Къобан да къуру да къобханлай турмайды, адам да къуру да патчахлай турмайды.
- Ишлемеген – тишлемез.
- Сабий кёргенин унутмаз.
- Ауругъаннга – кийик саулукъ, джетген къызгъа – чилле джаулукъ.
- Акъыллы айтыр эди, акъылсыз къоймайды.
- Таула не мийик болсала да, аууш табылыр.
- Джан саулукъ бермей, сан саулукъ бермезсе.
- Ат басханны джер билед.
- Аджашханны ызындагъы кёреди, джангылгъанны джанындагъы биледи.
- Этни бети бла шорпасы.
- Къошда джокъгъа – юлюш джокъ.
- Тешигини къатында, чычхан да батыр болур.
- Тили узунну, намысы – къысха.
- Тюкюрюк баш джармаз, налат кёз чыгъармаз!
- Аджашхан тёгерек айланыр.
- Ач къалгъандан, кеч къалгъан къолай.
- Джиби бир къат джетмей эди да, эки къат тарта эди.
- Ёлген ийнек сютлю болур.
- Бек ашыкъгъан меннге джетсин, дегенди аракъы.
- Эринчекге кюн узун.
40, 52 дня. Нововведения в Исламских похоронах.
Ответы
|
Хызенчиле энтда хорлай барадыла, дейме...
|
|
|
|
|
|
Ёлген адамны юйдегиси мал кесиб, элге (хоншугъа, тийреге, джууукълагъа) юлюшле чачсала (сууабы ёлген адамгъа болсун деб), ол сууаб джазыламыды елген адамгъа?
|
|
|
|
|
|
AMG, тюз иннет бла, ислам диннге келишгенича этсенг, Аллах айтса, джазыллыкъды.
Ол да къалай болады: Биринчиси, динибизде быллай бир кюнде быллай зат этилирге керекди деб, динибизге къошакъ этмезге (52 кюн, джыл кибик заманланы сайлагъан кибик...) Экинчиси: къуру Аллахны разылыгъы ючюн этерге (адамгъа сууаб болсун, керекли адамлагъа да болушайым, бу да Аллахны разылыгъын табарча ишди), кёзбаулукъладан, адамладан махтауланы излеуден, неда бир адетди, этейим да башымы алайым кибик сагъышладан узакъ болургъа. Ючюнчюсю: кёб сууаб излеген эм алгъа джарлыланы эсге алыргъа, андан къалгъанланы ызы бла сагъыш этерге. Артыкъсыз да джарсылу, керекли джерле бар эселе. Тёртюнчюсю: рысхысы болургъа керекди. Ансы кеси юйдегиси, сабийлерине къарамай, сууаб этеме деб, тёрт джанына чачыу да тюз зат тюлдю. Бек джарсыулу юйдеги дейме, ансы омакъ юйле, мешнала алыу кибик бир кёб затны излеб тебресе адам, ёмюрде да сууабха джукъ табарыкъ тюлдю. Биздеча заманлада, акъылы болгъан, игиликни излеген хар адамны разы болмазлыгъы, бизни бюгюннгю маулут джоюмла деб, къуру да къайгъы, сёз джюрюу, имамлагъа эм динибизге муну юсю бла сёзле джетдирилиб, муфтият огъуна аны юсю бла фатуала джарашдырыб кюрешген джерде, бу затла болмаз ючюн кюрешиуню орнуна, маулутланы бардырыб, малла кесиулеге къошулгъанла, терсликге болушадыла. Быллай терс ишлеге болушхан а иги зат болмагъаны белгилиди да. Ансы, айтханымча, бу затланы къатышдырмай, мадары да бар эсе, къаллай бир игилик этала эсе этсин. Хоншусуна да, джууугъуна да, нёгерлерине да чача берсин. Башха динден болгъанлагъа огъуна, ислам динни сюйдюрюр иннет бла чачса, аман болмаз... Кёб зат, алайсыз да ёргеде да джазылыбды... |
|
|
|
|
|
AMG, къайдам аны уа. Айтханымча, къаллай бир замандан бери бу дауурла барадыла. Былагъа къаршчы болуб, юйюнде англатыб кюрешген адамлары болмагъан да хазна къалгъан болмаз. Алгъадан да эшитиб, хазыр болурча болуб турадыла. Ауушханына игиликни излеген, кёбюрек сууабны сагъышын этген соруб билирге, эм табы къалай эсе аны этерге кюреширге керекди бола тургъанлай, бир болмагъан затла джабышыб, хар ким къалай эсе, биз да алайбыз кибик хапарла бла къарышыб турмазгъа керекди. Бу сагъатда, ёргеге да джазгъанымча, Муфтиятыбыз да быллай джоюмланы тюз затла болмагъанын, этмезге кереклисин айтыб кюрешеди.
Бу затла барысы джазылыбдыла ёргеде, къайтарыб турмайым. Джангы зат эсиме тюшсе, къоша барама. Бизни хар бирибиз бу затлагъа эс бёлюрге тырмашыргъа, быллай затланы тыйдырыр джанындан болургъа кюреширге керекбиз. Осиятланы джазгъан бла болса да, къолубуздан келгенни артха тыймазгъа. |
|
|
|
|
|
AMG, сеннге энчи айтыуум джокъду. Былайда адеблисича соруу сораса, ариу халда джууаб къайтараса.
|
||||
|
|
|
|||
Читают тему (гостей: 1)