- Хатерли къул болур.
- Тойгъан антын унутур.
- Къонакъ аман болса, къонакъбай джунчур
- Окъугъанны бети джарыкъ.
- Окъугъан озар, окъумагъан тозар.
- Эринчекни аурууу – кёб.
- Аш иеси бла татлыды.
- Адам сёзге тынгыла, акъыл сёзню ангыла.
- Ашха уста, юйюнде болсун
- Сабийликде юретмесенг, уллу болса – тюзелмез.
- Окъумагъан сокъурду, сокъур ташха абыныр!
- Нафысынгы айтханын этме, намысынгы айтханын эт.
- Хар зат кесини орнуна иги.
- Сёлеш деб шай берген, тохта деб, сом берген.
- Ургъан суудан башынгы сакъла.
- Бастасын ашагъан, хантусун да ичер.
- Кюлме джашха – келир башха.
- Алма терегинден кери кетмез.
- Тойгъа алгъа да барма, тойда артха да къалма.
- Ётюрюкню къуйругъу – бир тутум.
- Адамны сабийин сюйген джюреги, бычакъча, джитиди.
- Атынг аманнга чыкъгъандан эсе, джанынг тамагъынгдан чыкъсын.
- Адамны джюреги нени кёрюрге сюйсе, кёзю да аны кёрюрге ёч болады.
- Къар – келтирди, суу – элтди.
- Тёзген – тёш ашар!
- Магъанасыз сёз – тауушсуз сыбызгъы.
- Экеу тутушса, биреу джыгъылыр.
- Къууут – джелге, берне – бошха.
- Аз сёлеш, кёб ишле.
- Эл ауузу – элия.
- Аманны эки битли тону болур, бирин сеннге кийдирир, бирин кеси киер.
- Ёзденликни кёбю ётюрюк.
- Бозаны арты дауур болур.
- Тилчи тилден къаныкъмаз.
- Джангыз терек къынгыр ёсер.
- Джюрек кёзден алгъа кёрюр.
- Келлик заман – къартлыкъ келтирир, кетген заман – джашлыкъ ёлтюрюр.
- Адамны сыфатына къарама, сёзюне къара.
- Эллинг бла джау болсанг да, юйюнг бла джау болма.
- Окъуу – билимни ачхычы, окъуу – дунияны бачхычы.
- Билмейме деген – бир сёз
- Байлыкъдан саулукъ ашхыды.
- Ачлыкъда тары гырджын халыуадан татлы.
- Ата Джуртун танымагъан, атасын да танымаз.
- Ат басханны джер билед.
- Этни да ашады, бетни да ашады.
- Билмезни кёзю кёрмез, этмезни къулагъы эшитмез.
- Ачны эсинде – аш.
- Ачлыкъ отха секиртир.
- Бир абыннган – минг сюрюнюр.
Профиль
|
|
|
|||