- Ач къарным, тынч къулагъым.
- Ишленмеген джаш – джюгенсиз ат, ишленмеген къыз – тузсуз хант.
- Къызбайны юйюне дери сюрсенг, батыр болур.
- Джарлы джети элни сёзюн этер.
- Махтаннган къыз, тойда джукълар.
- Алтыннга тот къонмаз.
- Биреуню къыйынлыгъы бла кесинге джол ишлеме.
- Уясында не кёрсе, учханында аны этер.
- Къыз тиширыу кеси юйюнде да къонакъды.
- Иги болса, тамадама – махтау, аман болса, меннге – айыб.
- Джарашыу сюйген – джалынчакъ.
- Къызны минг тилер, бир алыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Накъырда – кертини келечиси.
- Билим насыб берир, билим джолну керир.
- Суугъа – чабакъ, къаягъа – ыргъакъ.
- Джаралыны джастыгъында сау ёлюр.
- Акъыллы – эл иеси, тели – эл баласы.
- Кирсизни – саны таза, халалны – къаны таза.
- Тил – кесген бычакъ, сёз – атылгъан окъ.
- Айтхан – тынч, этген – къыйын.
- Джашда акъыл джокъ, къартда къарыу джокъ.
- Тешик этген тынчды, аны джамагъан къыйынды.
- Кесинг сынамагъан затны, адамгъа буюрма.
- Акъыл бла адеб эгизледиле.
- Дженгил джетерикме деб, узун джолну къоюб, къысхасын барма.
- Ашына кёре табагъы, балына кёре къалагъы.
- Шекер бла туз – бир болмаз, ушамагъан – юй болмаз.
- Джюз элде джюз ёгюзюм болгъандан эсе, джюз джууугъум болсун.
- Баш – акъыл ючюн, акъылман – халкъ ючюн.
- Сабыр джетер муратха, сабырсыз къалыр уятха.
- Аманнга алтын чыдамаз.
- Уллу суу бла уллу ауруудан башынгы сакъла.
- Кенгеш болса, уруш болмаз.
- Къобан да къуру да къобханлай турмайды, адам да къуру да патчахлай турмайды.
- Башы ишлегенни, ауузу да ишлер.
- Бетинги сатма, малынгы сат.
- Бет бетге къараса, бет да джерге къарар.
- Кюн кёрмеген, кюн кёрсе, кюндюз чыракъ джандырыр.
- Эки ойлашыб, бир сёлешген.
- Ач отунчуну ачыуу – бурнунда.
- Тас болгъан бычакъны сабы – алтын.
- Адам къаллай бир ишленмесе, аллай бир кесин уллу кёреди.
- Тюзлюк шохлукъну бегитир.
- Ёлген ийнек сютлю болур.
- Ач бёрюге мекям джокъ.
- Тойгъандан сора, ашны сёкме.
- Иги бла джюрюсенг, джетерсе муратынга, аман бла джюрюсенг, къалырса уятха.
- Гитче джилтин уллу элни джандырыр.
- Ариу сёз – джаннга азыкъ, аман сёз – башха къазыкъ.
40, 52 дня. Нововведения в Исламских похоронах.
Ответы
06.11.2017 00:25:11
Хызенчиле энтда хорлай барадыла, дейме...
|
|
|
|
08.11.2017 05:50:56
Ёлген адамны юйдегиси мал кесиб, элге (хоншугъа, тийреге, джууукълагъа) юлюшле чачсала (сууабы ёлген адамгъа болсун деб), ол сууаб джазыламыды елген адамгъа?
|
|
|
|
08.11.2017 12:51:36
AMG, тюз иннет бла, ислам диннге келишгенича этсенг, Аллах айтса, джазыллыкъды.
Ол да къалай болады: Биринчиси, динибизде быллай бир кюнде быллай зат этилирге керекди деб, динибизге къошакъ этмезге (52 кюн, джыл кибик заманланы сайлагъан кибик...) Экинчиси: къуру Аллахны разылыгъы ючюн этерге (адамгъа сууаб болсун, керекли адамлагъа да болушайым, бу да Аллахны разылыгъын табарча ишди), кёзбаулукъладан, адамладан махтауланы излеуден, неда бир адетди, этейим да башымы алайым кибик сагъышладан узакъ болургъа. Ючюнчюсю: кёб сууаб излеген эм алгъа джарлыланы эсге алыргъа, андан къалгъанланы ызы бла сагъыш этерге. Артыкъсыз да джарсылу, керекли джерле бар эселе. Тёртюнчюсю: рысхысы болургъа керекди. Ансы кеси юйдегиси, сабийлерине къарамай, сууаб этеме деб, тёрт джанына чачыу да тюз зат тюлдю. Бек джарсыулу юйдеги дейме, ансы омакъ юйле, мешнала алыу кибик бир кёб затны излеб тебресе адам, ёмюрде да сууабха джукъ табарыкъ тюлдю. Биздеча заманлада, акъылы болгъан, игиликни излеген хар адамны разы болмазлыгъы, бизни бюгюннгю маулут джоюмла деб, къуру да къайгъы, сёз джюрюу, имамлагъа эм динибизге муну юсю бла сёзле джетдирилиб, муфтият огъуна аны юсю бла фатуала джарашдырыб кюрешген джерде, бу затла болмаз ючюн кюрешиуню орнуна, маулутланы бардырыб, малла кесиулеге къошулгъанла, терсликге болушадыла. Быллай терс ишлеге болушхан а иги зат болмагъаны белгилиди да. Ансы, айтханымча, бу затланы къатышдырмай, мадары да бар эсе, къаллай бир игилик этала эсе этсин. Хоншусуна да, джууугъуна да, нёгерлерине да чача берсин. Башха динден болгъанлагъа огъуна, ислам динни сюйдюрюр иннет бла чачса, аман болмаз... Кёб зат, алайсыз да ёргеде да джазылыбды... |
|
|
|
09.11.2017 01:26:41
AMG, къайдам аны уа. Айтханымча, къаллай бир замандан бери бу дауурла барадыла. Былагъа къаршчы болуб, юйюнде англатыб кюрешген адамлары болмагъан да хазна къалгъан болмаз. Алгъадан да эшитиб, хазыр болурча болуб турадыла. Ауушханына игиликни излеген, кёбюрек сууабны сагъышын этген соруб билирге, эм табы къалай эсе аны этерге кюреширге керекди бола тургъанлай, бир болмагъан затла джабышыб, хар ким къалай эсе, биз да алайбыз кибик хапарла бла къарышыб турмазгъа керекди. Бу сагъатда, ёргеге да джазгъанымча, Муфтиятыбыз да быллай джоюмланы тюз затла болмагъанын, этмезге кереклисин айтыб кюрешеди.
Бу затла барысы джазылыбдыла ёргеде, къайтарыб турмайым. Джангы зат эсиме тюшсе, къоша барама. Бизни хар бирибиз бу затлагъа эс бёлюрге тырмашыргъа, быллай затланы тыйдырыр джанындан болургъа кюреширге керекбиз. Осиятланы джазгъан бла болса да, къолубуздан келгенни артха тыймазгъа. |
|
|
|
09.11.2017 01:38:02
AMG, сеннге энчи айтыуум джокъду. Былайда адеблисича соруу сораса, ариу халда джууаб къайтараса.
|
||||
|
|
|||
Читают тему (гостей: 1)