- Эл бла кёргенинг эрелей.
- Байлыкъ тауусулур, билим тауусулмаз.
- «Ма», - дегенни билмесенг, «бер», - дегенни билмезсе.
- Хар сёзню орну барды.
- Бермеген къол, алмайды.
- Байлыкъдан саулукъ ашхыды.
- Сакъламагъан затынга джолукъсанг, не бек къууанаса, не бек ачыйса.
- Сёз садакъдан кючлюдю.
- Телиге акъыл салгъандан эсе, ёлгеннге джан салырса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къонакъ аман болса, къонакъбай джунчур
- Мен да «сен», дейме, сен да «кесим», дейсе.
- Къонагъынгы артмагъын алма да, алгъышын ал.
- Тилчи бир сагъатха айлыкъ хата этер.
- Чакъырылмагъан къонакъ тёрге атламаз.
- Ётюрюкню къуйругъу – бир тутум.
- Байма, деб да, къууанма, джарлыма, деб да, джылама.
- Билим къая тешер.
- От этилмеген джерден тютюн чыкъмайды.
- Намыс болмагъан джерде, насыб болмаз.
- Садакъачыны джаны – къапчыгъында.
- Чомарт къолда мал къалмаз.
- Тешик этген тынчды, аны джамагъан къыйынды.
- Ариу сёз – джаннга азыкъ, аман сёз – башха къазыкъ.
- Джол бла сёзню къыйыры джокъ.
- Ёнгкюч къууана барыр, джылай келир.
- Эртде тургъан джылкъычыны эркек аты тай табар.
- Ана – юйню кюн джарыгъы.
- Кечеси – аяз, кюню – къыш, джарлы къаргъагъа бир аш тюш!
- Алгъанда – джууукъ, бергенде – джау.
- Келлик заман – къартлыкъ келтирир, кетген заман – джашлыкъ ёлтюрюр.
- Къарны аманнга къазан такъдырма, къолу аманнга от джакъдырма.
- Уллу суу бла уллу ауруудан башынгы сакъла.
- Тёгюлген тюгел джыйылмайды.
- Къыз келсе, джумуш эте келеди, къатын келсе, ушакъ эте келеди.
- Дууулдаса – бал чибин, къонса – къара чибин.
- Халкъны юйю – туугъан джери.
- Адеб базарда сатылмаз.
- Кеси юйюмде мен да ханма.
- Уллу къазанда бишген эт, чий къалмаз.
- Къонакъны къачан кетерин сорма, къачан келлигин сор.
- Азыгъы аз, алгъа къабар, аты аман, алгъа чабар.
- Билимден уллу байлыкъ джокъду.
- Ашхы сёз таш тешер.
- Къатын къылыкъсыз, эр тынчлыкъсыз.
- Бек ашыкъгъан меннге джетсин, дегенди аракъы.
- Ашыкъгъанны этеги бутуна чырмалыр.
- Джукъу тёшек сайламайды.
- Тура эдим джата, къайдан чыкъды хата?
- Бюгюн дуния кибик, тамбла ахыратды.
Афоризмы "зеленого городка"
Ответы
Лучше орел в небе, чем попугай под каблуком!
|
|||
|
|
|
Есть значит еще порох😁 |
|||
|
|
|
Лучше орел в небе, чем попугай под каблуком!
|
|||||
|
|
|
||||
Читают тему (гостей: 1)