- Миллетни бойну – базыкъ, аны бла кюрешген – джазыкъ.
- От кюйдюрген, сау болса да, тот кюйдюрген, сау болмаз.
- Къолунгдан къуймакъ ашатсанг да, атаны борчундан къутулмазса.
- Ачлыкъ отха секиртир.
- Къулакъдан эсе, кёзге ышан.
- Аманны эки битли тону болур, бирин сеннге кийдирир, бирин кеси киер.
- Орундукъ тюбюнде атылсам да, орта джиликме, де да айлан.
- Сёлеш деб шай берген, тохта деб, сом берген.
- Экеулен сёлеше тура эселе, орталарына барыб кирме.
- Кийиминг бла танылма, адамлыкъ бла таныл.
- Баш болса, бёрк табылыр.
- Татлы сёз – балдан татлы.
- Алим болгъандан эсе, адам болгъан къыйынды.
- Кюн – узун, ёмюр – къысха.
- Айранын берсенг, челегин да къызгъанма.
- Сыфатында болмагъаны, суратында болмаз.
- Таш ата билмеген, башына урур.
- Тёрени джагъы джокъ.
- Джылар джаш, атасыны сакъалы бла ойнар.
- Атлыны кёрсе, джаяуну буту талыр.
- Таугъа чыгъаллыкъ эсенг, тюзде къалма.
- Адамны сабийин сюйген джюреги, бычакъча, джитиди.
- Ётген ёмюр – акъгъан суу.
- Джаханимни кёрмей, джандетге кёл салмазса.
- Окъуу – билимни ачхычы, окъуу – дунияны бачхычы.
- Душманны тышы – акъ, ичи – къара.
- Агъач халкъгъа алтынды, иссиликге салкъынды.
- Эл ауузу – элия.
- Ойнай билмеген, уруб къачар.
- Гугук кесини атын айтыб къычыргъанча, мен, мен деб нек тураса?
- Эр абынмай, эл танымаз.
- Сютню башын джалагъан къутулур, тюбюн ичген тутулур.
- Аман адам этегингден тутса, кес да къач.
- Къаллай салам берсенг, аллай джууаб алырса.
- Эркишиге тары кебек танг кёрюнюр.
- Уясында не кёрсе, учханында аны этер.
- Ургъан суудан башынгы сакъла.
- Урама да – ёледи, сатама да – келеди.
- Ёлюр джаннга, ёкюл джокъ.
- Таукелге нюр джауар.
- Киштикге къанат битсе, чыпчыкъ къалмаз эди.
- Тюзлюк тас болмайды.
- Башынга джетмегенни сорма.
- Къонакъ хазыр болгъанлыкъгъа, къонакъбай хазыр тюлдю.
- Келинни – келгинчи, бёркню кийгинчи кёр.
- Сабийликде юретмесенг, уллу болса – тюзелмез.
- Телиге акъыл салгъандан эсе, ёлгеннге джан салырса.
- Ашхы тенг джолгъа салыр, аман тенг джолдан тайдырыр.
- Эки элинги тыйсанг, джети элде махталырса.
- Джырына кёре эжиую.
Афоризмы "зеленого городка"
Ответы
11.04.2024 21:15:24
Лучше орел в небе, чем попугай под каблуком!
|
|||
|
|
12.04.2024 06:52:23
Есть значит еще порох😁 |
|||
|
|
13.04.2024 00:01:34
Лучше орел в небе, чем попугай под каблуком!
|
|||||
|
|
||||
Читают тему (гостей: 2)