- Гугук кесини атын айтыб къычыргъанча, мен, мен деб нек тураса?
- Окъугъан озар, окъумагъан тозар.
- Къыйынлы джети элге оноу этер.
- Тюкюрюк баш джармаз, налат кёз чыгъармаз!
- Бети – къучакълар, джюреги – бычакълар.
- Суугъа – таянма, джаугъа – ийнанма.
- Байма, деб да, къууанма, джарлыма, деб да, джылама.
- Тюзню ётмеги тюзде къалса да, тас болмаз.
- Тин – байлыгъынг, терен саулугъунг.
- Ауурну тюбю бла, дженгилни башы бла джюрюген.
- Тыш элде солтан болгъандан эсе, кесинги элде олтан болгъан игиди!
- Тёзген – тёш ашар!
- Ашхылыкъ джерде джатмайды, аманлыкъ суугъа батмайды.
- Къызбайны юйюне дери сюрсенг, батыр болур.
- Окъдан джара эртде-кеч болса да бителир, сёз джара, ёмюрге къалыр.
- Дуния аламаты сен эсенг да, игиме деб айтма.
- Ишни аллы бла къууанма да, арты бла къууан.
- Бир абыннган – минг сюрюнюр.
- Татлы сёз – балдан татлы.
- Байдан умут эте, джарлыдан ёгюз багъасы къорады.
- Чомарт бергенин айтмаз.
- Айран ичген – къутулду, джугъусун джалагъан – тутулду.
- Бюгюн дуния кибик, тамбла ахыратды.
- Таукел адам тау тешер.
- Атлыны кёрсе, джаяуну буту талыр.
- Элге къуллукъ этмеген, элге ие болмаз.
- Этни да ашады, бетни да ашады.
- Айырылмаз джууугъунга, унутмаз сёзню айтма.
- Байлыкъдан саулукъ ашхыды.
- Джигер – джаннга къыйынлыкъ.
- Башы джабылгъан челекге, кир тюшмез.
- Тешигини къатында, чычхан да батыр болур.
- Хаухну атма, ёнгкючню сатма.
- Кесине гебен этелмеген, биреуге черен эте эди.
- Аманнга алтын чыдамаз.
- Чалманны аллы къалай башланса, арты да алай барады.
- Ауузу аманнга «иги», деме.
- Ашхы сёз таш тешер.
- Оюмсуз атлагъан, аджалсыз ёлюр.
- Хазыр ашха – терен къашыкъ.
- Мал ёлсе, сюек къалыр, адам ёлсе, иши къалыр.
- Аш берме да, къаш бер.
- Тау башында, тау болмаз, джангыз терек, бау болмаз.
- Къонакъ хазыр болгъанлыкъгъа, къонакъбай хазыр тюлдю.
- Баш – акъыл ючюн, акъылман – халкъ ючюн.
- Уллу сёлешме да, уллу къаб.
- Иши джокъну, сыйы джокъ.
- Хансыз джомакъ болмаз.
- Тёрде – темир таякълы, къаяда – чыпчыкъ аякълы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
21.10.2011 21:29:51
Бусагъатда Абу-Юсуф хаджини юйюнде къонакъда олтуруб турабыз Соруулары болгъан, тартынмагъыз, соругъуз
|
|
|
|
21.10.2011 21:46:45
|
|
|
|
21.10.2011 23:06:36
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре? |
|
|
|
21.10.2011 23:21:16
Сорууланы кечигиб берсек да, артда бу темагъа кириб, Абу-Юсуф хаджи алагъа джууаб эте туралмазмы? Бу теманы ууакъ-ууакъ бардыра, соруулагъа джууаб эте бармазмы?
Бу да бир соруу |
|
|
|
22.10.2011 17:25:42
Эбзеланы юйдегиге эм да Эльбрусоид организациягъа тюненеги тюбешиуню юсю бла разылыгъымы билдиреме
Аллахдан къууаныгъыз! |
|
|
|
22.10.2011 17:42:58
Ассаламу гъалейкум! Бек сеийр тюбешиуге барыб келдигиз!
Суратлада сабийчикле туудукъчукъларымыдыла? |
|
|
|
22.10.2011 17:52:01
всезнайка
Суратлада сабийчикле туудукъчукъларымыдыла? Хоу Суратларыбыз, видеобуз да кёбдю. Джаздыра турабыз, Аллах айтса, бюгюн салыб башларыкъбыз |
|
|
|
23.10.2011 17:17:07
Абу-Юсуф хаджиге да, юйдегисине да уллу разылыгъыбызны билдиребиз. Кеч барыб, джунчутдукъ, сау болугъуз алныбызгъа къараб, сыйлаб сорууларыбызгъа джууабла бергенигиз ючюн.
Багъалы форумчанла, сизге Абу-Юсуф хаджи бла тюбешгенибизден хапар айтайыкъ Эм биринчи соруубуз, дин назмуланы юсюнден болду Къуранны къарачай-малкъар тилге кёчюргенини юсюнден айтады Шакай улу Хаджини юсюнден, бусагъатда шыйыхла бармыдыла, деген соруугъа джууаб этеди, суфийлени, къарачайда дин бегимегенини юсюнден айтады. Шакай улу Хаджини юсюнден ма былайда окъургъа да боллукъду http://dl.dropbox.com/u/24099987/Hadji.pdf Динден, шериатдан терен хапарлы, билимли болуб, дин авторитет болурча джаш адамланы юслеринден, дин назмулагъа, музыкагъа, сурат салгъаннга къалай къарагъанны юсюнден Дуаланы, китаб ачханны юсюнден айтады Абу-Юсуф хаджи .............продолжение следует......... |
|
|
|
28.10.2011 18:54:47
Эбзе улу
МашаАллах сизге! Аллах иманыгъызны къаты этсин! |
|
|
|
01.11.2011 12:25:27
Эбзе улу
-игиз! |
|
|
|
02.11.2011 23:15:26
Сора бу ишни "Барс Эль" к'олг'а алса бек ийги боллук' эди,эмда баджараллык' эди деб турама.
|
|
|
|
Читают тему (гостей: 1)