- Телиге от эт десенг, юйюнге от салыр.
- Тик ёргени, тик энгишгеси да болады.
- Этни да ашады, бетни да ашады.
- Ачыу алгъа келсе, акъыл артха къалады.
- Сакъ юйюне сау барыр.
- Кесине оноу эте билмеген, халкъына да эте билмез.
- Танг атмайма десе да, кюн къоярыкъ тюйюлдю.
- Юйюнгден чыкъдынг – кюнюнгден чыкъдынг.
- Юре билмеген ит, къонакъ келтирир.
- Керти сёзге тёре джокъ.
- Ариуну – ауруу кёб.
- Юреннген ауруу къалмаз.
- Бойнуму джети джерден кессенг да, мен ол ишни этеллик тюлме.
- Кёпюр салгъан кеси ётер, уру къазгъан кеси кетер.
- Къарнынг къанлынга кийирир.
- Къайгъыны сюйген, къайгъы табар.
- Гыдай эчки суугъа къараб, мюйюзле кёрмесе, джашма алкъын, дегенди.
- Ана къолу ачытмаз.
- Къыз тиширыу кеси юйюнде да къонакъды.
- Сёз садакъдан кючлюдю.
- Къартха ушагъан джаш – акъыллы, джашха ушагъан къарт – тели.
- Биреуге кёлтюрген таягъынг, кесинги башынга урур.
- Тойну къарнашы – харс, джырны къарнашы – эжиу.
- Эл ауузу – элия.
- Къазанны башы ачыкъ болса, итге уят керекди.
- Айыбны суу бла джууалмазса.
- Джангызны оту джарыкъ джанмаз!
- Чакъырылмагъан къонакъ къачан кетерин сормаз.
- Къоркъакъны кёзю экили кёрюр.
- Кенгеш болса, уруш болмаз.
- Чарсда алчыны эл кёреди.
- Билмезни кёзю кёрмез, этмезни къулагъы эшитмез.
- Ач, тоймам, дейди, тойгъан, ач болмам, дейди.
- Къарыусузгъа кюлме, онгсузгъа тийме.
- Айтханы чапыракъдан ётмеген.
- Сагъышы джокъ – джукъучу, акъылы джокъ – къаугъачы.
- Ач келгенни – тойдур, кеч келгенни – къондур.
- Ашхылыкъ джерде джатмайды, аманлыкъ суугъа батмайды.
- Намысы джокъну – дуниясы джокъ.
- Ашатыргъа иш – ашхы, ишлетирге аш – ашхы.
- Билимсиз иш бармаз.
- Кёб къычыргъандан – къоркъма, тынч олтургъандан – къоркъ.
- Чабакъсыз кёлге къармакъ салгъанлыкъгъа, чабакъ тутмазса.
- Аман адам элни бир-бирине джау этер.
- Кёлю джокъну – джолу джокъ.
- Къыз келсе, джумуш эте келеди, къатын келсе, ушакъ эте келеди.
- Агъач халкъгъа алтынды, иссиликге салкъынды.
- Агъач – джерни чырайы, кийим – эрни чырайы.
- Арбаз къынгырды да, ийнек сауалмайма.
- Намыс болмагъан джерде, насыб болмаз.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
21.10.2011 21:29:51
Бусагъатда Абу-Юсуф хаджини юйюнде къонакъда олтуруб турабыз Соруулары болгъан, тартынмагъыз, соругъуз
|
|
|
|
21.10.2011 21:46:45
|
|
|
|
21.10.2011 23:06:36
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре? |
|
|
|
21.10.2011 23:21:16
Сорууланы кечигиб берсек да, артда бу темагъа кириб, Абу-Юсуф хаджи алагъа джууаб эте туралмазмы? Бу теманы ууакъ-ууакъ бардыра, соруулагъа джууаб эте бармазмы?
Бу да бир соруу |
|
|
|
22.10.2011 17:25:42
Эбзеланы юйдегиге эм да Эльбрусоид организациягъа тюненеги тюбешиуню юсю бла разылыгъымы билдиреме
Аллахдан къууаныгъыз! |
|
|
|
22.10.2011 17:42:58
Ассаламу гъалейкум! Бек сеийр тюбешиуге барыб келдигиз!
Суратлада сабийчикле туудукъчукъларымыдыла? |
|
|
|
22.10.2011 17:52:01
всезнайка
Суратлада сабийчикле туудукъчукъларымыдыла? Хоу Суратларыбыз, видеобуз да кёбдю. Джаздыра турабыз, Аллах айтса, бюгюн салыб башларыкъбыз |
|
|
|
23.10.2011 17:17:07
Абу-Юсуф хаджиге да, юйдегисине да уллу разылыгъыбызны билдиребиз. Кеч барыб, джунчутдукъ, сау болугъуз алныбызгъа къараб, сыйлаб сорууларыбызгъа джууабла бергенигиз ючюн.
Багъалы форумчанла, сизге Абу-Юсуф хаджи бла тюбешгенибизден хапар айтайыкъ Эм биринчи соруубуз, дин назмуланы юсюнден болду Къуранны къарачай-малкъар тилге кёчюргенини юсюнден айтады Шакай улу Хаджини юсюнден, бусагъатда шыйыхла бармыдыла, деген соруугъа джууаб этеди, суфийлени, къарачайда дин бегимегенини юсюнден айтады. Шакай улу Хаджини юсюнден ма былайда окъургъа да боллукъду http://dl.dropbox.com/u/24099987/Hadji.pdf Динден, шериатдан терен хапарлы, билимли болуб, дин авторитет болурча джаш адамланы юслеринден, дин назмулагъа, музыкагъа, сурат салгъаннга къалай къарагъанны юсюнден Дуаланы, китаб ачханны юсюнден айтады Абу-Юсуф хаджи .............продолжение следует......... |
|
|
|
28.10.2011 18:54:47
Эбзе улу
МашаАллах сизге! Аллах иманыгъызны къаты этсин! |
|
|
|
01.11.2011 12:25:27
Эбзе улу
-игиз! |
|
|
|
02.11.2011 23:15:26
Сора бу ишни "Барс Эль" к'олг'а алса бек ийги боллук' эди,эмда баджараллык' эди деб турама.
|
|
|
|
Читают тему (гостей: 1)