- Адамны бетине къарама, адетине къара.
- Ариуну – ауруу кёб.
- Билим насыб берир, билим джолну керир.
- Аз айтсам, кёб ангылагъыз.
- Ач къалгъандан, кеч къалгъан къолай.
- Баш – акъыл ючюн, акъылман – халкъ ючюн.
- Азыкълы ат арымаз, къатыны аман джарымаз.
- Сакъалы текени да бар, мыйыгъы киштикни да бар.
- Тилчи бир сагъатха айлыкъ хата этер.
- Аякъларынгы джууургъанынга кёре узат.
- Кёбге таш атма.
- Айтылгъан буйрукъ, сёгюлмез
- Ханнга да келеди хариблик.
- Къазанчы аман болса, къазаны къайнамаз.
- Эшекни не къадар тюйсенг да, ат болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Хаухну атма, ёнгкючню сатма.
- Иги джашны ышаны – аз сёлешиб, кёб тынгылар.
- Баргъанынга кёре болур келгенинг.
- Таш бла ургъанны, аш бла ур.
- Махтаннган къыз, тойда джукълар.
- Аманнга игилик этсенг, юйюнге сау бармазса.
- Атлыны кёрсе, джаяуну буту талыр.
- Билмезни кёзю кёрмез, этмезни къулагъы эшитмез.
- Агъач халкъгъа алтынды, иссиликге салкъынды.
- Ата – билек, ана – джюрек!
- Джумушакъ сёз къаты таякъны сындырыр.
- Биреуню къыйынлыгъы бла кесинге джол ишлеме.
- Чарсда алчыны эл кёреди.
- Джаным-тиним – окъуу, билим.
- Зарда марда джокъ.
- Киштикге къанат битсе, чыпчыкъ къалмаз эди.
- Тик ёргени, тик энгишгеси да болады.
- Акъылсызны джууукъгъа алма, акъыллыны кенгнге салма.
- Къартны бурнун сюрт да, оноугъа тут.
- Ёксюзню тилеги къабыл болур.
- Игилик игилик бла сингдирилиучю затды.
- Ачлыкъ отха секиртир.
- Шайтан алдады, тюзлюк къаргъады.
- Ишлерге уял да, ашаргъа табма.
- Накъырданы арты керти болур.
- Аш хазыр болса, иш харам болур.
- Бетинги сатма, малынгы сат.
- Чакъырылгъанны аты, чакъырылмагъанны багъасы болур.
- Эм ашхы къайын ана мамукъ бла башынгы тешер.
- Башланнган иш битер, къымылдагъан тиш тюшер.
- Адам сёзге тынгыла, акъыл сёзню ангыла.
- Къралынгы – душмандан, башынгы от бла суудан сакъла.
- Ишин билген, аны сыйын чыгъарады.
- Билеги кючлю, бирни джыгъар, билими кючлю, мингни джыгъар.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
18.10.2011 16:43:58
Sabr
Видеогъа алыб, этиучюгюзча, былайгъа салсагъыз - артыкъ да иги болур. Аллах айтса, алай этерге деб турабыз |
|
|
|
18.10.2011 18:08:14
Къуранны кёчюрген китабы бла, интернетдеги версиясы бла да хайырланыучанбыз
|
|
|
|
18.10.2011 18:29:43
Девушка Гор
сагъатны башны айтсагъыз, сагъыш этерме |
|
|
|
18.10.2011 18:30:44
Иш джаны бла, къайдам джума намазны юсю бла келишсе, бек сюйюб да барлыкъ эдим.
|
|
|
|
18.10.2011 18:31:13
Abdullah
Джумадан сора, деб турабыз, Аллах айтса |
|
|
|
19.10.2011 17:09:14
Къуру динни юсюнденми джазады Абу Юсуф хаджи? Китабларын къайда табаргъа боллукъду?
|
|
|
|
19.10.2011 17:14:26
Акъыллычыкъ
Девушка Гор башында кёргюзгенди - Абюсюб хаджини энчи сайты барды: http://www.ebze.ru/ Ол сайтда табарыкъса сорууларынга джууаб. |
|
|
|
19.10.2011 17:18:34
Sabr
Акъыллычыкъ Абу Юсуф хаджини кесине берирге излей болур эди бу сорууну. Акъыллычыкъ Аллах айтса, тюбегенлей сорурма |
|
|
|
19.10.2011 21:20:04
# Дата: 18 Окт 2011 12:32
Абу-Юсуф хаджиге соруулары болгъанла, былайда джазыгъыз! *эслемеген бар эсе джангыдан эсигизни бёлейим |
|
|
|
20.10.2011 05:39:28
Абюсюб мубарек!
Назму джазгъанлагъа, сурат салгъанлагъа, музыка къурагъанлагъа Къуран не дейди? Файгъамбар а алагъа къалай къарагъанды? |
|
|
|
20.10.2011 05:43:06
Динлерин ауушдуруб, башха динлеге кёчген къарачайлыла бардыла.
Таб бабас болуб ишлеген да бир къарачайлыны кёргенме. Аллайланы ол дунияда не сакълайды экен? |
|
|
|
21.10.2011 14:16:01
Девушка Гор
ЛС-нге бир къара. |
|
|
|
21.10.2011 14:38:39
[Sabr
Айб этмегиз сорууларыгъызгъа кере сагъыш келгенди.Суфиймисиз? |
|
|
|
Читают тему (гостей: 2)