- Аман эсирсе, юйюн ояр.
- Эринчекни аурууу – кёб.
- Сакъалы текени да бар, мыйыгъы киштикни да бар.
- Танг атмайма десе да, кюн къоярыкъ тюйюлдю.
- Къарнынг ауруса, ауузунгу тый
- Иги сеники эсе да, сюйген кесимикин этеме.
- Сёз – кюмюш, джыр – алтын.
- Билгенни къолу къарны джандырыр.
- Тил бла келеди джыр да.
- Рысхысына кёре, джаш ёсер, къышлыгъына кёре, мал ёсер.
- Чакъырылгъанны аты, чакъырылмагъанны багъасы болур.
- Къызны минг тилер, бир алыр.
- Кимни – тили, тиши онглу, кимни – къолу, иши онглу.
- Берекет берсин деген джерде, берекет болур.
- Татлы сёз – балдан татлы.
- Байлыкъ тауусулур, билим тауусулмаз.
- Адеб базарда сатылмаз.
- Кёзюнде тереги болгъан, чёбю болгъаннга кюле эди.
- Ёнгкюч къууана барыр, джылай келир.
- Тура эдим джата, къайдан чыкъды хата?
- Билмезни кёзю кёрмез, этмезни къулагъы эшитмез.
- Джарлы эскисин джамаса, къууаныр.
- Урунуу – насыбны анасы.
- Къайтырыкъ эшигинги, къаты уруб чыкъма.
- Джарлы джети элни сёзюн этер.
- Таукел адам тау тешер.
- Асхат ашлыкъ сата, юйдегиси ачдан къата.
- Адеб этмеген, адеб кёрмез.
- Тилсиз миллет джокъ болур.
- Ач, тоймам, дейди, тойгъан, ач болмам, дейди.
- Адамны адамлыгъы къыйынлыкъда айгъакъланады.
- Тойчу джашха къарама, къойчу джашха къара.
- Айран ичген – къутулду, джугъусун джалагъан – тутулду.
- Эте билген, этген этеди, эте билмеген, юретген этеди!
- Сёз садакъдан кючлюдю.
- Эртде тургъан бла эртде юйленнген сокъуранмаз.
- Кийимни бичсенг, кенг бич, тар этген къыйын тюлдю.
- Ишлегенден, къарагъан уста.
- Чоюнну башы ачыкъ болса, итге уят керекди.
- Хар адамгъа кеси миннген тау кибик.
- Тешик этген тынчды, аны джамагъан къыйынды.
- Тойгъа барсанг, тоюб бар, эски тонунгу къоюб бар.
- Уллу атлама – абынырса, уллу къабма – къарылырса.
- Чалманны аллы къалай башланса, арты да алай барады.
- Таукел къуру къалмаз.
- Насыб бютеу халкъны юлюшюдю.
- Къошда джокъгъа – юлюш джокъ.
- Сибиртки да сыйлы болду, кюрек да кюнлю болду.
- Эринчекни эр алмаз, эр алса да, кёл салмаз, кёл салса да, кёб бармаз!
- Тамырсыз терекге таянма – джыгъылырса.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
Ответы
21.10.2011 21:29:51
Бусагъатда Абу-Юсуф хаджини юйюнде къонакъда олтуруб турабыз Соруулары болгъан, тартынмагъыз, соругъуз
|
|
|
|
21.10.2011 21:46:45
|
|
|
|
21.10.2011 23:06:36
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре? |
|
|
|
21.10.2011 23:21:16
Сорууланы кечигиб берсек да, артда бу темагъа кириб, Абу-Юсуф хаджи алагъа джууаб эте туралмазмы? Бу теманы ууакъ-ууакъ бардыра, соруулагъа джууаб эте бармазмы?
Бу да бир соруу |
|
|
|
22.10.2011 17:25:42
Эбзеланы юйдегиге эм да Эльбрусоид организациягъа тюненеги тюбешиуню юсю бла разылыгъымы билдиреме
Аллахдан къууаныгъыз! |
|
|
|
22.10.2011 17:42:58
Ассаламу гъалейкум! Бек сеийр тюбешиуге барыб келдигиз!
Суратлада сабийчикле туудукъчукъларымыдыла? |
|
|
|
22.10.2011 17:52:01
всезнайка
Суратлада сабийчикле туудукъчукъларымыдыла? Хоу Суратларыбыз, видеобуз да кёбдю. Джаздыра турабыз, Аллах айтса, бюгюн салыб башларыкъбыз |
|
|
|
23.10.2011 17:17:07
Абу-Юсуф хаджиге да, юйдегисине да уллу разылыгъыбызны билдиребиз. Кеч барыб, джунчутдукъ, сау болугъуз алныбызгъа къараб, сыйлаб сорууларыбызгъа джууабла бергенигиз ючюн.
Багъалы форумчанла, сизге Абу-Юсуф хаджи бла тюбешгенибизден хапар айтайыкъ Эм биринчи соруубуз, дин назмуланы юсюнден болду Къуранны къарачай-малкъар тилге кёчюргенини юсюнден айтады Шакай улу Хаджини юсюнден, бусагъатда шыйыхла бармыдыла, деген соруугъа джууаб этеди, суфийлени, къарачайда дин бегимегенини юсюнден айтады. Шакай улу Хаджини юсюнден ма былайда окъургъа да боллукъду http://dl.dropbox.com/u/24099987/Hadji.pdf Динден, шериатдан терен хапарлы, билимли болуб, дин авторитет болурча джаш адамланы юслеринден, дин назмулагъа, музыкагъа, сурат салгъаннга къалай къарагъанны юсюнден Дуаланы, китаб ачханны юсюнден айтады Абу-Юсуф хаджи .............продолжение следует......... |
|
|
|
28.10.2011 18:54:47
Эбзе улу
МашаАллах сизге! Аллах иманыгъызны къаты этсин! |
|
|
|
01.11.2011 12:25:27
Эбзе улу
-игиз! |
|
|
|
02.11.2011 23:15:26
Сора бу ишни "Барс Эль" к'олг'а алса бек ийги боллук' эди,эмда баджараллык' эди деб турама.
|
|
|
|
Читают тему (гостей: 1)