Войти на сайт
18 Апреля 2024 года

 

  • Дженгил джетерикме деб, узун джолну къоюб, къысхасын барма.
  • Игилик игилик бла сингдирилиучю затды.
  • Ётюрюкден тюбю джокъ, кёлтюрюрге джиби джокъ.
  • Джыгъылгъанны сырты джерден тоймаз.
  • Ата Джуртун танымагъан, атасын да танымаз.
  • Мухардан ач ычхынмаз.
  • Ашда уялгъан – мухар, ишде уялгъан – хомух.
  • Тилчи тилден къаныкъмаз.
  • Кёл ашады да, кеси ашады.
  • Билгенни къолу къарны джандырыр.
  • Иги болса, тамадама – махтау, аман болса, меннге – айыб.
  • Рысхы джалгъанды: келген да этер, кетген да этер.
  • Мухар, кеси тойса да, кёзю тоймаз.
  • Аман адамны тепсинге олтуртсанг, къызынгы тилер.
  • Орну джокъну – сыйы джокъ.
  • Сёз садакъдан кючлюдю.
  • Тёрени джагъы джокъ.
  • Сютден ауузу кюйген, суугъа юфгюре эди.
  • Элге къуллукъ этмеген, элге ие болмаз.
  • Къуру гыбыт бек дыгъырдар.
  • Мураты болгъанны джюрек тебюую башхады.
  • Эм уллу байлыкъ – джан саулукъ.
  • Нёгерсизни джолу узун.
  • Къызны минг тилер, бир алыр.
  • Ач къалгъандан, кеч къалгъан къолай.
  • Тойгъа алгъа да барма, тойда артха да къалма.
  • Арбаз сайлама да, хоншу сайла.
  • Къуллукъчума, деб махтанма, къуллукъ – хаух джамчыды!
  • Хансыз джомакъ болмаз.
  • Гугурук къычырмаса да, тангны атары къалмаз.
  • Ётюрюкчюню шагъаты – къатында.
  • Ата Джуртча джер болмаз, туугъан элча эл болмаз.
  • Джаралыны джастыгъында сау ёлюр.
  • Минг тенг да азды, бир джау да кёбдю.
  • Уруну арты – къуру.
  • Къарнынг бла ёч алма.
  • Келинни – келгинчи, бёркню кийгинчи кёр.
  • Гырджын – тепсини тамадасы.
  • Ойнай билмеген, уруб къачар.
  • Биреуню эскиси биреуге джангы болмайды.
  • Аман хансны – урлугъу кёб.
  • Эки къатын алгъанны къулагъы тынгнгаймаз.
  • Ёлген ийнек сютлю болур.
  • Аман къатын алгъан, арыр, иги къатын алгъан джарыр.
  • Къан бла кирген, джан бла чыгъар.
  • Айран ичген – къутулду, джугъусун джалагъан – тутулду.
  • Чабакъгъа акъыл, табагъа тюшсе келеди.
  • Байма, деб да, къууанма, джарлыма, деб да, джылама.
  • Олтуруб кёрюнмей эди да, ёрге туруб кёрюне эди.
  • Тешигини къатында, чычхан да батыр болур.

 

Архив Форума » Бёлюмле :: Тематические разделы » Ана тилде :: Ana tilde
   RSS
Эбзеланы Абу-Юсуф хаджиге къонакъгъа барабыз!
 
#1
Джаратама0
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле.

Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди.
Абу-Юсуф хаджиге соруулары болгъанла, былайда джазыгъыз!
Абу Юсуфну кесини энчи сайты барды www.ebze.ru , ма былайда къараргъа боллукъсуз анга
Бу назмулагъа бир тынгылагъыз, мадары болгъан
http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA

http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA

Бу назмугъа уа тынгыламай боллукъ тюлдю. Артыкъсыз да джаш адамлагъа
http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA
 
 
Страницы: Пред. 1 2 3 4 5 6 След.
Ответы
 
#26
Джаратама0
21.10.2011 21:29:51
Бусагъатда Абу-Юсуф хаджини юйюнде къонакъда олтуруб турабыз Соруулары болгъан, тартынмагъыз, соругъуз

 
 
 
#27
Джаратама0
21.10.2011 21:46:45








 
 
 
#28
Джаратама0
21.10.2011 22:03:46
Ассалам алейкум, Абу-Юсуф хаджи!

сорлугъум: Сиз Къуранны къаллай бир заманнга кёчюргенсиз? Кёчюрген сагъатда эм къыйыны не эди? Сизден сора да, сизге деричи эсе да (билмейме), Къуранны Хубийланы Абу-Хасан да кёчюргенди деб эшитгенме. Аны кёчюргенин сиз кёргенмисиз, не айтыргъа боллукъду аны юсюнден?
 
 
 
#29
Джаратама0
21.10.2011 22:19:45
Шимал Джолдан салам иеме багъалы Абюсюб хаджи.
Бу джаныны халкъы динден тайышханды, керти динни къой, кеслерини динлерин да тутмайдыла.
Соруу: муслиман дин дунияны кючлерикмиди, огъесе былай барыбмы турлукъду хар зат Ахырзаманнга дери? Анга не айтады Китаб? Сизни кесигизни оюмугъуз къалайды?

Аллах тынчлыкъ-эсенлик берсин Сизге, адамларыгъызгъа да, бютеу муслиманнга да, бизге зараны болмагъан адам улуну барына да.
 
 
 
#30
Джаратама0
21.10.2011 23:00:50
Кец къалмагъан эсем мен да бир соруу къошайым

Арт заманда "радикализация молодежи" деп аллай сёзлени терк-терк эшитебиз. Сиз ангылагъаннга кёре, бу жаш къауум Ислам динни терс ангыламай, тюзюн сайларча не зат этерге боллукъду? Аны бла байламлы къаллай иш бардырыргъа керекди-боллукъду?

Сау болугъуз
 
 
 
#31
Джаратама0
21.10.2011 23:06:36
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре?
 
 
 
#32
Джаратама0
21.10.2011 23:21:16
Сорууланы кечигиб берсек да, артда бу темагъа кириб, Абу-Юсуф хаджи алагъа джууаб эте туралмазмы? Бу теманы ууакъ-ууакъ бардыра, соруулагъа джууаб эте бармазмы?

Бу да бир соруу
 
 
 
#33
Джаратама0
22.10.2011 02:13:51
Ассаламу алейкум!
Джангы-джангы къайтдым къайтдым къонакъдан)) Танг да кеч къалыб кетдик кёреме)) Абу Юсюб хаджи кёрдюк, ушакъ этдик, соруулагъа бек узун-узун джууабла берди, хар нени ачыкълаб, ол себебли былай кеч да къалдыкъ болур. Джууабланы сакълагъыз.
Абу Юсюб хаджиге да Аллах узун ёмюр берсин, джылы джаш болмагъанлыкъгъа, акъылы бла кёлю бла бек джаш кёрюне эди, МашааЛлах!
 
 
 
#34
Джаратама0
22.10.2011 17:25:42
Эбзеланы юйдегиге эм да Эльбрусоид организациягъа тюненеги тюбешиуню юсю бла разылыгъымы билдиреме
Аллахдан къууаныгъыз!
 
 
 
#35
Джаратама0
22.10.2011 17:42:58
Ассаламу гъалейкум! Бек сеийр тюбешиуге барыб келдигиз!
Суратлада сабийчикле туудукъчукъларымыдыла?
 
 
 
#36
Джаратама0
22.10.2011 17:52:01
всезнайка
Суратлада сабийчикле туудукъчукъларымыдыла?
Хоу Суратларыбыз, видеобуз да кёбдю. Джаздыра турабыз, Аллах айтса, бюгюн салыб башларыкъбыз
 
 
 
#37
Джаратама0
23.10.2011 17:17:07
Абу-Юсуф хаджиге да, юйдегисине да уллу разылыгъыбызны билдиребиз. Кеч барыб, джунчутдукъ, сау болугъуз алныбызгъа къараб, сыйлаб сорууларыбызгъа джууабла бергенигиз ючюн.
Багъалы форумчанла, сизге Абу-Юсуф хаджи бла тюбешгенибизден хапар айтайыкъ
Эм биринчи соруубуз, дин назмуланы юсюнден болду





Къуранны къарачай-малкъар тилге кёчюргенини юсюнден айтады



Шакай улу Хаджини юсюнден, бусагъатда шыйыхла бармыдыла, деген соруугъа джууаб этеди, суфийлени, къарачайда дин бегимегенини юсюнден айтады.



Шакай улу Хаджини юсюнден ма былайда окъургъа да боллукъду
http://dl.dropbox.com/u/24099987/Hadji.pdf

Динден, шериатдан терен хапарлы, билимли болуб, дин авторитет болурча джаш адамланы юслеринден, дин назмулагъа, музыкагъа, сурат салгъаннга къалай къарагъанны юсюнден



Дуаланы, китаб ачханны юсюнден айтады Абу-Юсуф хаджи



.............продолжение следует.........
 
 
 
#38
Джаратама0
24.10.2011 04:50:16
Девушка Гор
Бек аламат. Быллай тюбешиулени не къадар кёбюрек эталсагъыз, бек иги боллукъду.
Джамагъат организацияланы башчылары бла да бардырсагъыз быллай тюбешиулени...
Къарачай шахарда Дем.Джамагъатны тамадасы Кечерукъланы Азрет-Алий хаджи. Ол да кёб зат айтыр. "Барс Элни" къуралыууна да бек разы болгъанды.
Бек иги ишле этесиз - Аллах болушсун!
 
 
 
#39
Джаратама0
26.10.2011 15:45:06
Tinibek
Сизни сорууларыгъызгъа джууабла

Абу - Юсуфну назмуларын окъугъандан сора, алагъа тынгылагъандан сора, бусагъатда джаш тёлюню къалай ёсдюрюрге керекди, деген соруу келди кёлюме


Эшитмегенле, тынгылаб къалыгъыз Абу-Юсуф хаджини назмуларына. Джаш тёлю, иги тынгылагъыз сиз
 
 
 
#40
Джаратама0
26.10.2011 15:46:58
kalejchi
Сиз Къуранны къаллай бир заманнга кёчюргенсиз? Кёчюрген сагъатда эм къыйыны не эди? Сизден сора да, сизге деричи эсе да (билмейме), Къуранны Хубийланы Абу-Хасан да кёчюргенди деб эшитгенме. Аны кёчюргенин сиз кёргенмисиз, не айтыргъа боллукъду аны юсюнден?




Sabr
Бу теманы ууакъ-ууакъ бардыра, соруулагъа джууаб эте бармазмы?
Аллах айтса, бюгюн регистрировать этерикбиз Абу -Юсуф хаджини форумда.

Ушагъыбыз бошалгъандан сора, Абу-Юсуф хаджи кесини библиотекасын кёргюзтдю бизге



Эшта, быллай китабны уа къолларында бек аз адам тутхандыла



"Современный библиотекамды бу" - дейди Абу-Юсуф хаджи



Былайда олтуруб, Абу-Юсуф хаджи назмуларын окъуйду, Эльбрусоидни форумуна киреди



Абу-Юсуфну юйдегиси бла картхада тюшдюк, кете башлагъаныбызда
 
 
 
#41
Джаратама0
26.10.2011 17:41:14
Халкъыбыз ючюн кюрешген, Халкъыбызны атын иги бла айтдыргъан адамла бла тюбешиу, аланы видеогъа алыб, форумчула бары да кёрюрча, тынгыларча этиу - бек иги ишди. Быллай ишлени башлагъаны, уста баджаргъаны ючюн Девушка Гор премиягъа тыйыншлыды. Билмейме, журналист года зат дегенча, Эльбрусоидде аллай зат бармыды? Бар эсе - ол атха Фатима тыйыншлыды.

Тюз джазылгъандан бла къалмай, видео бла адамны кёрюрге, эшитирге болгъаны - артыкъ да аламатды.
 
 
 
#42
Джаратама0
28.10.2011 18:49:34
Энтта бир соруу:
"Аллахы кёпню - шайтаны кёп" -, деген аллай бир сёз барды дейдиле миллетде. Аны не магъана бла айтадыла сизни оюмугъузгъа кёре?

Мен аллай нарт сёз билмейме. Мен гитчеликден эшите тургъаным: "Малы кёбню - шайтаны кёб" деб, Къарачай джанында сёз алай джюрюйдю.
Муслиман адам диннге къаты болуб, Аллахына бек джууукъ болургъа излесе, озаманда шайтан да аны бла бек кюрешеди. Бу дин китабла бла бегиген сёздю. Бу магъанада айтала эсе, билмейме. Сау бол, Аллах разы болсун!
 
 
 
#43
Джаратама0
28.10.2011 18:54:47
Эбзе улу
МашаАллах сизге! Аллах иманыгъызны къаты этсин!
 
 
 
#44
Джаратама0
28.10.2011 23:10:27
Эбзе улу
Ассаламу гъалейкум уа рахматуллахи уа баракатуху!
Хош келигиз!
Ахлян бикум уа сахлян!
Мындан ары бизни кесигизни присутствиегиз бла къууандыра турурсуз-деб ышанама. Бек магъаналы иш этгенсиз, къуранны кёчюрюб, Аллах сууаб базманыгъызгъа джазсын!
 
 
 
#45
Джаратама0
01.11.2011 12:25:27
Эбзе улу
-игиз!
 
 
 
#46
Джаратама0
02.11.2011 04:06:01
Эбзе улу
Ассаламу г'алейкум Абу Юсуф хаджи.Мен Ертенлени Казбекме Зеленчюкде джашайма.Аллах разы болсун сизге бек уллу ишле этгенсиз миллетибизни динин к'айтарыр ючюн,кельтюрюр ючюн.Аллах эки дуньяг'ыздада сауг'аласын не тюрлюда ашхылык'лабла.Тууг'анларыг'ызг'а туудук'ларыг'ызг'ада Аллах сиздеча иманда,билимда,болумда берсин дин джаярг'а деб тилейме.
Сизге соруум барды заманыг'ызг'а,бошлуг'уг'узг'а кере джуаб берсегиз.
Бюгюнлюкде билесиз бизде школлада эркинлик бердиле дерслени тышында дин дерслени берирге.Алая анга шартла(условия) салг'андыла.
Биринчиси школда ишлеб тург'ан устаз берирге керекди дерслени.
Экинчиси тарих халда берилирге керекдиле дерсле.Имамла барыб диндеча айтыб ок'утург'а джок'ду бюгюнлюкде мадар.Школда устазланыуа диннен хапарлары джок'ду ол себебден орус тарих китаблада не табсала аны айтадыла бир к'аум неда к'алайда айтмайдыла.Джангыз сизни районда андан сорада эки-юч школда имамла дыгалас этиб бир аз ок'утург'а кюрешедиле.
Христианлауа бюгюнлюкде китаблада чыг'арг'андыла эмда дерследа бередиле.К'уру тарихблада к'оймай толу динлерин айтырг'а кюрешедиле.
Муну барысында айтханым не ючюндю?Бизда табабыз школда ишлеб тург'ан устазла.Сюйюбда ок'утурук'дула.Алая сабийни ок'утурча китабла джок'дула.Не кесибизни тильде джок'дула не орус тильде джок'дула.Сизге тилеригим.Сабийлени ок'утурча тарих халда динни юсюнден китабла чыг'арсаг'ыз бек ашхы иш боллук' эди деб турама.Юч тюрлю китаб.Гитче класслаг'а бир,орта класслаг'а бир,уллу класслаг'а бир.Аланы ичинде к'уру тарих болуб к'алмай аны тышындада муслиман хали,атаны ананы сыйламак'лык,чомартлык',харам халал деген затланыда англатырча.Бизда ол китабланы хар школдада бир программабла берирча этерге кюреширик эдик.
Бу китабланы тышындада юйде ана баласына,неда сабий юйюнде кеси ок'урча к'ысха хапарла халда' кесибизни тилибизде Файхамбарны а.с. эмда аны сахабаларыны чомартлы'ларыны юсюнден,ариу халилерини юсюнден,батырлык'ларыны юсюнден китабчык'ла джазсаг'ыз деб тилейме.
Бюгюнлюкде сизден сора динненда,джашауданда хапарлы болуб,миллетибизни адетин халисинда билиб,эмда бланы барысында бири бирине келишдириб сизден сора джазаллык' адам бильмейме.Сиз билеесегиз айтыг'ыз ангада тилеик олда болушсун сизге.Бюгюнлюкде бек керекди бу бизге.Динни юсюнден сабий китаб болуб бизде дююрюген джангыз к'уран ок'ург'а юретген китаблада бардыла алада орус тильде.Буну барысында сизге барыб кесиге айтырг'а деб тура эдим алая бери джазайым менден сорада к'ошарык'лары болг'ан бар эселеда.
Бу затны юсюнде кесигизни хазыр этиб тург'ан затыг'ыз бар эседа бильмейме ангада бек к'уаннык'быз.Бизден не болушлук' бар эседа кюреширикбиз.Аллах болушсун хар ашхы ишигиздеда.
 
 
 
#47
Джаратама0
02.11.2011 04:43:07
Бек тюз соруула.

Сабийлеге динибизден, тарихибизден, культурабыздан, белгили дин ахлуларыбыздан, бизни халкъдан чыкъгъан шыйыхладан сабий тилде джазылгъан китабчыкъла бек керекдиле.

Ариу джарашдырылгъан, суратла бла да таб джасалгъан христиан китабчыкъла кёбдюле. Бизде уа аллай зат болуб билмейме. Муфтиат быллай затлагъа сагъыш нек эте болмаз экен?

РПЦ келиб алан храмларыбызгъа дери ие болуб кюрешген сагъатда, биз сабийлени ариу дин халиге юретген китабла чыгъармай тургъаныбыз - бек уллу кемликди.
 
 
 
#48
Джаратама0
02.11.2011 23:11:34
Sabr
Эмда кесибизни тилибизде китаб джазыучуларыбыз к'арачайны малк'арны батырларыны джигитлерини юсюнден сабийда уллуда ок'урча китабла чыг'арсала керек эди.Сез ючюн Гапалауну,Ачемезни,Джатдайны эмда бла кибик батырларыбызны джашауларын чучхуб китабла чыг'арылса бек сюйюб ок'урук эдик.Мен билиб бюгюнлюкде бланы к'уру джырлары барды бюгюнлюкде.
 
 
 
#49
Джаратама0
02.11.2011 23:15:26
Сора бу ишни "Барс Эль" к'олг'а алса бек ийги боллук' эди,эмда баджараллык' эди деб турама.
 
 
 
#50
Джаратама0
03.11.2011 13:19:23
Алейкум ассалам уа рахматуллах багъалы къарнашым Казбек! Сизни айтхан сёзюгюзню бек тюзге санайма. Эртдеден да ол затха мен бек дыгалас эдим. Алай болгъанлыкъгъа, биз мында этген оноу башдагъылагъа джарамайды. Министерство просвещения деб да барды, духовное управление деб да барды, аладан эркинлик болмай, мында биз этген оноу джарарыкъ тюлдю. Мен кесим окъутхан, кесибизни школда устаз къызчыкъла бардыла. Алагъа ийман, дин, адеб юретген китабчыкъла элтиб, сабийлеге быланы айта бир туругъуз, деб тилеб кёргенме. Баш джанындан эркинлик болмай, тартыныб, эталмагъандыла. Иш алайды - буйрукъ башындан келирге керекди.
Мени кёлюме келген, халкъыбыз сагъайыб, ол затны излерге керекди, тилек къагъытла да джазаргъа керекди. Къралны закону анга къаршчы тюлдю, Россияны Конституциясы бла эркинлик барды. Хомухлукъ халкъда да болур, алай болса да аны уллу айыбы аллыбызда тургъан башчыладады.
 
 
 
Страницы: Пред. 1 2 3 4 5 6 След.
Читают тему (гостей: 1)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2024 Elbrusoid.org  |  Все права защищены Законами Гор.