- Чарсда алчыны эл кёреди.
- Аман къатын алгъан, арыр, иги къатын алгъан джарыр.
- Къызны минг тилер, бир алыр.
- Чомарт джарлы болмаз.
- Тойчу джашха къарама, къойчу джашха къара.
- Уллу атлама – абынырса, уллу къабма – къарылырса.
- Хантына кёре тузу, юйюне кёре къызы.
- Джогъун бар этген, барын бал этген.
- Ач келгенни – тойдур, кеч келгенни – къондур.
- Эртде тургъан джылкъычыны эркек аты тай табар.
- Кёб къычыргъандан – къоркъма, тынч олтургъандан – къоркъ.
- Джыйырма къойну юч джыйырма эбзе кюте эди.
- Намыс болмагъан джерде, насыб болмаз.
- Юй ишлеген балта эшикде къалыр.
- Асхат ашлыкъ сата, юйдегиси ачдан къата.
- Сёлеш деб шай берген, тохта деб, сом берген.
- Джеринден айырылгъан – джети джылар, джуртундан айырылгъан – ёлгюнчю джылар.
- Сакъалы текени да бар, мыйыгъы киштикни да бар.
- Билим ат болуб да чабар, къуш болуб да учар.
- Аманны эки битли тону болур, бирин сеннге кийдирир, бирин кеси киер.
- Юй кюйдю да, кюйюз чыкъды, ортасындан тюйюш чыкъды.
- Юреннген ауруу къалмаз.
- Сагъыш – къартлыкъгъа сюйюмчю.
- Къар – келтирди, суу – элтди.
- Аман адам элни бир-бирине джау этер.
- Агъач – джерни чырайы, кийим – эрни чырайы.
- Юйюнгден чыкъдынг – кюнюнгден чыкъдынг.
- Кийим тукъум сордурур.
- Джаралыны джастыгъында сау ёлюр.
- Адамны артындан къара сабан сюрме.
- Бал чибинни ургъаны – ачы, балы – татлы.
- Къоркъакъны кёзю экили кёрюр.
- Уллу суу бла уллу ауруудан башынгы сакъла.
- Чабар ат – джетген къыз.
- Кюлме джашха – келир башха.
- Аманнга алтын чыдамаз.
- Аш иеси бла татлыды.
- Хаухну атма, ёнгкючню сатма.
- Ышармагъан – кюлмез, кюлмеген – къууанчны билмез.
- Хоншуну тауугъу къаз кёрюнюр, келини къыз кёрюнюр.
- Ашда уялгъан – мухар, ишде уялгъан – хомух.
- Айран ичген – къутулду, джугъусун джалагъан – тутулду.
- Билмезни кёзю кёрмез, этмезни къулагъы эшитмез.
- Тас болгъан бычакъны сабы – алтын.
- Адам туугъан джеринде, ит тойгъан джеринде.
- Ауругъанны сау билмез, ач къарынны токъ билмез.
- Юйлю уругъа ит чабмаз.
- Окъумагъан сокъурду, сокъур ташха абыныр!
- Баш болса, бёрк табылыр.
- Ач уят къоймаз.
Эбзеланы Абу-Юсуф хаджиге къонакъгъа барабыз!
18.10.2011 15:32:55
Багъалы форумчула, октябрны 21-де биз Эбзеланы Абу-Юсуф хаджиге къонакъгъа барлыкъбыз.
Эбзеланы Хусейни уланы Абу-Юсуф хаджи 1937 джыл Къарачайда Ючкекен элде туугъанды. Къарачай Орта Азиягъа кёчюрюлген заманда анга алты джыл болгъанды. Сабийликден огъуна диннге талпыб туруб, сора 16-17 джылына, Сыйлы Аллахны рахматы бла, Къуранны окъургъа аллы айланыб, анасы-атасы да, бек разы болуб, ийгендиле. Биринчи Байчораланы Баттал афендиден окъуб башлагъанды. Аны сюйген сохтасы болуб окъуй тургъанлай, устазы ауушады (Аллах рахмат этсин!) Андан сора Каппушланы Яхъя афендиге кёчеди. Къуранны андан окъуб бошайды. Магъанасын окъуб башларына, къарачайгъа ызына къайтыргъа эркинлик болады. Кавказгъа келгенден сора, устазы Джёгетейге адамларына кетиб, сора аны окъууу бёлюнюб, талай джылгъа созулады. 1989 джыл Абу-Юсуф хаджи джамагъатны тилеги бла, кеси джашагъан Конзавод элге, имам болады. Уллу Аллахны болушлугъу бла, 1995 джыл, сыйлы Меккяда хадж борчун да тындырыб келеди. Миллетине джаны ауруб, динибиз адетге бурулуб, дуниялыкъгъа кетиб, къатышыб тургъанын айтыб, алагъа тюз динни ангылатыргъа излейди. Районда да сохтала окъутуб, ауаз айтыб он джылны кюрешеди. Аны сохталарындан, тыш къраллада окъуб, уллу билим алгъанла да бардыла. Аладан бир къаууму бусагъатда элледе имамла болуб ишлейдиле. Абу-Юсуф хаджи къарачай-малкъар тилде дин китабла джазады. Къоюб олтурмай, юйюнде сохтала окъутханлай турады. Араб тилден къарачай тилге талай китаб да кёчюргенди. Миллетине джаны ауруй, халкъда адебсизликге, диннге заран берген адетлеге, адеб-намыс кетиб баргъанына къыйнала, аланы юсюнден назмула джазгъанлай турады. Аны эм уллу иши уа, Уллу Аллахны Сыйлы Къуранын къарачай-малкъар тилге кёчюргениди. Абу-Юсуф хаджини бу ишлерине уллу багъа бериб, 31 мартда 2011 джыл Теберди шахарда ?Крымшамхаловские чтения? деген джыйылыуда ?ПОЧЁТНЫЙ ДОКТОР КАРАЧАЕВСКОГО НАУЧНО-ИСЛЕДОВАТЕЛЬСКОГО ИНСТИТУТА? деген диплом берилгенди. Абу-Юсуф хаджиге соруулары болгъанла, былайда джазыгъыз! Абу Юсуфну кесини энчи сайты барды www.ebze.ru , ма былайда къараргъа боллукъсуз анга Бу назмулагъа бир тынгылагъыз, мадары болгъан http://www.ebze.ru/nazmula?op=view&key=aglyYXN1bGV iemVyDwsSB05hem11RGIYiLUtDA http://www.ebze.ru/nazmula?op=view&key=aglyYXN1bGV iemVyDwsSB05hem11RGIY1tguDA Бу назмугъа уа тынгыламай боллукъ тюлдю. Артыкъсыз да джаш адамлагъа http://www.ebze.ru/nazmula?op=view&key=aglyYXN1bGV iemVyDwsSB05hem11RGIY0estDA |
|
|
|
18.10.2011 16:43:58
Sabr
Видеогъа алыб, этиучюгюзча, былайгъа салсагъыз - артыкъ да иги болур. Аллах айтса, алай этерге деб турабыз |
|
|
|
18.10.2011 18:08:14
Къуранны кёчюрген китабы бла, интернетдеги версиясы бла да хайырланыучанбыз
|
|
|
|
18.10.2011 18:29:43
Девушка Гор
сагъатны башны айтсагъыз, сагъыш этерме |
|
|
|
18.10.2011 18:30:44
Иш джаны бла, къайдам джума намазны юсю бла келишсе, бек сюйюб да барлыкъ эдим.
|
|
|
|
18.10.2011 18:31:13
Abdullah
Джумадан сора, деб турабыз, Аллах айтса |
|
|
|
19.10.2011 17:09:14
Къуру динни юсюнденми джазады Абу Юсуф хаджи? Китабларын къайда табаргъа боллукъду?
|
|
|
|
19.10.2011 17:14:26
Акъыллычыкъ
Девушка Гор башында кёргюзгенди - Абюсюб хаджини энчи сайты барды: http://www.ebze.ru/ Ол сайтда табарыкъса сорууларынга джууаб. |
|
|
|
19.10.2011 17:18:34
Sabr
Акъыллычыкъ Абу Юсуф хаджини кесине берирге излей болур эди бу сорууну. Акъыллычыкъ Аллах айтса, тюбегенлей сорурма |
|
|
|
19.10.2011 21:20:04
# Дата: 18 Окт 2011 12:32
Абу-Юсуф хаджиге соруулары болгъанла, былайда джазыгъыз! *эслемеген бар эсе джангыдан эсигизни бёлейим |
|
|
|
20.10.2011 05:39:28
Абюсюб мубарек!
Назму джазгъанлагъа, сурат салгъанлагъа, музыка къурагъанлагъа Къуран не дейди? Файгъамбар а алагъа къалай къарагъанды? |
|
|
|
20.10.2011 05:43:06
Динлерин ауушдуруб, башха динлеге кёчген къарачайлыла бардыла.
Таб бабас болуб ишлеген да бир къарачайлыны кёргенме. Аллайланы ол дунияда не сакълайды экен? |
|
|
|
21.10.2011 14:16:01
Девушка Гор
ЛС-нге бир къара. |
|
|
|
21.10.2011 14:38:39
[Sabr
Айб этмегиз сорууларыгъызгъа кере сагъыш келгенди.Суфиймисиз? |
|
|
|
Читают тему (гостей: 1)