- Сютден ауузу кюйген, суугъа юфгюре эди.
- Эл ауузу – элия.
- Кёз – сюйген джерде, къол – ауругъан джерде.
- Къонагъы джокъну – шоху джокъ.
- Асхат ашлыкъ сата, юйдегиси ачдан къата.
- Дуния малгъа сатылма, кесингден телиге къатылма.
- Кютгени беш эчки, сызгъыргъаны уа, джерни джарады.
- Иги адам абынса да, джангылмаз.
- Кесине оноу эте билмеген, халкъына да эте билмез.
- Кёбге таш атма.
- Накъырда – кертини келечиси.
- Айыбны суу бла джууалмазса.
- Ёзденликни кёбю ётюрюк.
- Юйюнгден чыкъдынг – кюнюнгден чыкъдынг.
- Къарнынг ауруса, ауузунгу тый
- Джахил болса анасы, не билликди баласы?
- Дуния аламаты сен эсенг да, игиме деб айтма.
- Джангыз торгъай джырламаз.
- Тамчы таш тешер.
- Тёрде – темир таякълы, къаяда – чыпчыкъ аякълы.
- Акъыл аздырмаз, билим тоздурмаз.
- Адам сёзюнден белгили.
- Бир абыннган – минг сюрюнюр.
- Ургъан суудан башынгы сакъла.
- Джетген къыз джерли эшекни танымаз.
- Чабар ат – джетген къыз.
- Тура эдим джата, къайдан чыкъды хата?
- Телиге акъыл салгъандан эсе, ёлгеннге джан салырса.
- Джашда акъыл джокъ, къартда къарыу джокъ.
- Чакъырылмагъан къонакъ къачан кетерин сормаз.
- Кёзю сокъурдан – къоркъма, кёлю сокъурдан – къоркъ.
- Билгенни къолу къарны джандырыр.
- Рысхы джалгъанды: келген да этер, кетген да этер.
- Тюкюрюк баш джармаз, налат кёз чыгъармаз!
- Аууздан келген, къолдан келсе, ким да патчах болур эди.
- Аман адам элни бир-бирине джау этер.
- Нарт сёз – тилни бети.
- Бюгюн дуния кибик, тамбла ахыратды.
- Джарлы эскисин джамаса, къууаныр.
- Адам къаллай бир ишленмесе, аллай бир кесин уллу кёреди.
- Аманны тукъумуна къарама, игини тукъумун сорма.
- Къарыусузгъа кюлме, онгсузгъа тийме.
- Эки ойлашыб, бир сёлешген.
- Аманнга алтын чыдамаз.
- Джарлыны эшигин махтагъан джабар.
- Къонакъ хазыр болгъанлыкъгъа, къонакъбай хазыр тюлдю.
- Азыкъ аз болса, эртде орун сал.
- Хунаны тюбюн къазсанг, юсюнге ауар.
- Алгъанда – джууукъ, бергенде – джау.
- Бичгенде ашыкъма, тикгенде ашыкъ.
лайки\дизлайки, как средство борьбы с несправедливостью современного горца\горянки, оружие, в том числе дизлайки, оставляем не входе))
Ответы
Читают тему (гостей: 1)