- Хунаны тюбюн къазсанг, юсюнге ауар.
- Хар зат кесини орнуна иги.
- Чабакъгъа акъыл, табагъа тюшсе келеди.
- Мен да «сен», дейме, сен да «кесим», дейсе.
- Адеб джокъда, намыс джокъ.
- Хаухну атма, ёнгкючню сатма.
- Къонакъ болсанг, ийнакъ бол.
- Ачыкъ джюрекге джол – ачыкъ.
- Байлыкъ адамны сокъур этер.
- Хантына кёре тузу, юйюне кёре къызы.
- Aдам боллукъ, сыфатындан белгили.
- Мал тутхан – май джалар.
- Сютден ауузу кюйген, суугъа юфгюре эди.
- Кёбню кёрген – кёб билир.
- Къарт болгъан джерде, берекет болур, сабий болгъан джерде, оюн болур.
- Къызны минг тилер, бир алыр.
- Ётюрюкню къуйругъу – бир тутум.
- Чомарт бергенин айтмаз.
- Аш хазыр болса, иш харам болур.
- Чабар ат – джетген къыз.
- Сёз садакъдан кючлюдю.
- Босагъа таш юйге кирмей эди, тыбыр таш эшикге чыкъмай эди.
- Тас болгъан бычакъны сабы – алтын.
- Ойнай билмеген, оюн бузар.
- Ашда – бёрю, ишде – ёлю.
- Эте билген, этген этеди, эте билмеген, юретген этеди!
- Тюкюрюк баш джармаз, налат кёз чыгъармаз!
- Къарнынг къанлынга кийирир.
- Тюз сёз баргъан сууну тыяр.
- Ач бёрюге мекям джокъ.
- Ёлюк кебинсиз къалмаз.
- Байны оноуу, джарлыгъа джарамаз.
- Айранны сюйген, ийнек тутар.
- Сютню башын джалагъан къутулур, тюбюн ичген тутулур.
- Аман киши кеси юйюнде – къонакъ.
- Башланнган иш битер, къымылдагъан тиш тюшер.
- Джаным-тиним – окъуу, билим.
- Суугъа – чабакъ, къаягъа – ыргъакъ.
- Ханнга да келеди хариблик.
- Алим болгъандан эсе, адам болгъан къыйынды.
- Кирсизни – саны таза, халалны – къаны таза.
- Джаш къарыу бла кючлю, къарт акъыл бла кючлю.
- Къулакъдан эсе, кёзге ышан.
- Тенги кёбню джау алмаз, акъылы кёбню дау алмаз.
- Джылкъыдан – ат чыгъар, тукъумдан – джаш чыгъар.
- Этни да ашады, бетни да ашады.
- Тик ёргени, тик энгишгеси да болады.
- От этилмеген джерден тютюн чыкъмайды.
- Айранын берсенг, челегин да къызгъанма.
- Аманны тукъумуна къарама, игини тукъумун сорма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72