- Чакъырылмагъан къонакъ – орунсуз.
- Хантына кёре тузу, юйюне кёре къызы.
- Къарт айтханны этмеген, къартаймаз.
- Акъыллы башны – тили къысха.
- Эте билген, этген этеди, эте билмеген, юретген этеди!
- Иги сёз – джаннга азыкъ, аман сёз башха – къазыкъ.
- Къыйынлы джети элге оноу этер.
- Нёгер болсанг, тенг бол, тенг болмасанг, кенг бол.
- Экиндини кеч къылсанг, чабыб джетер ашхам.
- Уруну арты – къуру.
- Къонакъны къачан кетерин сорма, къачан келлигин сор.
- Къонакъ болсанг, ийнакъ бол.
- Эски джаугъа ышанма.
- Къумурсхала джыйылсала, пилни да джыгъадыла.
- Суугъа – таянма, джаугъа – ийнанма.
- Акъыллы эркиши атын махтар, акъылсыз эркиши къатынын махтар.
- Джангыз терек къынгыр ёсер.
- Суу кетер, таш къалыр.
- Алтыннга тот къонмаз.
- Акъыл неден да кючлюдю.
- Айранын берсенг, челегин да къызгъанма.
- Чарсда алчыны эл кёреди.
- Булут кёкге джарашыу, уят бетге джарашыу.
- Байдан умут эте, джарлыдан ёгюз багъасы къорады.
- Иги – алгъыш этер, аман – къаргъыш этер.
- Эртде тургъан джылкъычыны эркек аты тай табар.
- Онгсузну – джакъла, тенгликни – сакъла.
- Хар ишни да аллы къыйынды.
- Кёзюнде тереги болгъан, чёбю болгъаннга кюле эди.
- Эркишиге тары кебек танг кёрюнюр.
- Ашына кёре табагъы, балына кёре къалагъы.
- Ата Джуртун танымагъан, атасын да танымаз.
- Ата – билек, ана – джюрек!
- Суугъа – чабакъ, къаягъа – ыргъакъ.
- Иги адамны бир сёзю эки болмаз.
- Аз айтсам, кёб ангылагъыз.
- Ачыкъ джюрекге джол – ачыкъ.
- Ач къарным, тынч къулагъым.
- Къалгъан ишге къар джауар.
- От этилмеген джерден тютюн чыкъмайды.
- Адамны аманы адамны бети бла ойнар.
- Зар адамны насыбы болмаз.
- Берекет берсин деген джерде, берекет болур.
- Ёгюзню мюйюзлери ауурлукъ этмейдиле.
- Юйюнг бла джау болгъандан эсе, элинг бла джау бол.
- Эл тойса, тоймагъан, эл къойса, къоймагъан.
- Аман киши кеси юйюнде – къонакъ.
- Ачылгъан эт джабылыр, кёрген кёз унутмаз.
- Ёзденликни джайгъан – джокълукъ.
- Адам къаллай бир ишленмесе, аллай бир кесин уллу кёреди.
Parse error: syntax error, unexpected 'array' (T_ARRAY) in /home/bitrix/ext_www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72