- Аш берме да, къаш бер.
- Адам туугъан джеринде, ит тойгъан джеринде.
- Хар зат кесини орнуна иги.
- Иесиз малны бёрю ашар.
- Сабий кёргенин унутмаз.
- Ариу сёз – джаннга азыкъ, аман сёз – башха къазыкъ.
- Эл тойса, тоймагъан, эл къойса, къоймагъан.
- Аманнга игилик этсенг, юйюнге сау бармазса.
- Къанны къан бла джуума, аманны аман бла къуума.
- Ата – билек, ана – джюрек!
- Билеги кючлю, бирни джыгъар, билими кючлю, мингни джыгъар.
- Чыбыкълыкъда бюгюлмеген, къазыкълыкъда бюгюлмей эди.
- Намысы джокъну – дуниясы джокъ.
- Тау башында, тау болмаз, джангыз терек, бау болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эрине къаргъыш этген къатын, эрнин къабар.
- Тойгъандан сора, ашны сёкме.
- Къартны сыйын кёрмеген, къартлыгъында сыйлы болмаз.
- Ёпкелегенни ашы татлы болады.
- Кюн – узун, ёмюр – къысха.
- Эллинг бла джау болсанг да, юйюнг бла джау болма.
- Эте билген, этген этеди, эте билмеген, юретген этеди!
- Иги болса, тамадама – махтау, аман болса, меннге – айыб.
- Кийим тукъум сордурур.
- Чомартха Тейри да борчлуду.
- Тойгъа алгъа да барма, тойда артха да къалма.
- Ёксюзню къалачы уллу кёрюнюр.
- Ачылгъан эт джабылыр, кёрген кёз унутмаз.
- Арбаз сайлама да, хоншу сайла.
- Башланнган иш битер, къымылдагъан тиш тюшер.
- Халкъны юйю – туугъан джери.
- Джарлыны эшигин махтагъан джабар.
- Атадан ёксюз – бир ёксюз, анадан ёксюз – эки ёксюз.
- Тенгинг джокъ эсе – изле, бар эсе – сакъла!
- Рысхы – сют юсюнде кёмюк кибикди.
- Уруну арты – къуру.
- Билими азны – ауузунда кирит.
- Адеб базарда сатылмаз.
- Ойнай-ойнай кёз чыгъар.
- Сёз – кюмюш, джыр – алтын.
- Аман къатын сабий табса, бий болур…
- Aдам боллукъ, сыфатындан белгили.
- Джылкъыдан – ат чыгъар, тукъумдан – джаш чыгъар.
- Ашаса, ашамаса да, бёрюню ауузу – къан.
- Ёлюк кебинсиз къалмаз.
- Ач къарынны, токъ билмез
- Кёбден умут этиб, аздан къуру къалма.
- Чакъырылмагъан къонакъ тёрге атламаз.
- Чомартха хар кюн да байрамды.
- Юйлю уругъа ит чабмаз.
Профиль
|
|
|
|||