- Кёзю сокъурдан – къоркъма, кёлю сокъурдан – къоркъ.
- Къарнынг тойгъунчу аша да, белинг талгъынчы ишле.
- Ашхы атаны – джашы ашхы, ашхы ананы – къызы ашхы.
- Кийимни бир кюнню аясанг, минг кюннге джарар.
- Биреу ашаб къутулур, биреу джалаб тутулур.
- Ётген ёмюр – акъгъан суу.
- Кёл ашады да, кеси ашады.
- Джуртун къоругъан озар.
- Джарлыны тону джаз битер.
- Ушамагъан – джукъмаз.
- Сыфатында болмагъаны, суратында болмаз.
- Керилген да, ургъан кибикди.
- Хата – гитчеден.
- Билмезни кёзю кёрмез, этмезни къулагъы эшитмез.
- Танг атмайма десе да, кюн къоярыкъ тюйюлдю.
- Атлыны кёрсе, джаяуну буту талыр.
- Ата – баланы уясы.
- Ата Джуртча джер болмаз, туугъан элча эл болмаз.
- Мал тутхан – май джалар.
- Суугъа – чабакъ, къаягъа – ыргъакъ.
- Эте билген, этген этеди, эте билмеген, юретген этеди!
- Орну джокъну – сыйы джокъ.
- Эки къатын алгъанны къулагъы тынгнгаймаз.
- Арбаз сайлама да, хоншу сайла.
- Къан бла кирген, джан бла чыгъар.
- Ханы къызы буюгъа-буюгъа киштик болду.
- Эм ашхы къайын ана мамукъ бла башынгы тешер.
- Бети – къучакълар, джюреги – бычакълар.
- Джукъу тёшек сайламайды.
- Джангызны оту джарыкъ джанмаз!
- Адамны аты башхача, акъылы да башхады.
- Ачыу алгъа келсе, акъыл артха къалады.
- Тойгъан антын унутур.
- Тойгъан джерге джети къайт.
- Ханнга да келеди хариблик.
- Тик ёргени, тик энгишгеси да болады.
- Сабий кёргенин унутмаз.
- Эр абынмай, эл танымаз.
- Юреннген ауруу къалмаз.
- Джырына кёре эжиую.
- Гугурук къычырмаса да, тангны атары къалмаз.
- Тиширыусуз юй – отсуз от джагъа.
- Ат да турмайды бир териде.
- Ишлерге уял да, ашаргъа табма.
- Мал кёб болса, джууукъ кёб болур.
- Къонакъ аз олтурур, кёб сынар.
- Эллинг бла джау болсанг да, юйюнг бла джау болма.
- Юре билмеген ит, къонакъ келтирир.
- Хар ишни да аллы къыйынды.
- Ётюрюкню башын керти кесер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72