- Адебни адебсизден юрен.
- Адамны бетине къарама, адетине къара.
- Ачлыкъ отха секиртир.
- Аджал соруб келмез, келсе, къайтыб кетмез.
- Кюн кёрмеген, кюн кёрсе, кюндюз чыракъ джандырыр.
- Чабакъ башындан чирийди.
- Баш болса, бёрк табылыр.
- Иги – алгъыш этер, аман – къаргъыш этер.
- Тюкюрюк баш джармаз, налат кёз чыгъармаз!
- Адеб базарда сатылмаз.
- Адам сёзюнден белгили.
- Джырына кёре эжиую.
- Ишленмеген джаш – джюгенсиз ат, ишленмеген къыз – тузсуз хант.
- Тёзгеннге, джабылгъан эшик ачылыр.
- Аш хазыр болса, иш харам болур.
- Джолда аягъынга сакъ бол, ушакъда тилинге сакъ бол.
- Сёлеш деб шай берген, тохта деб, сом берген.
- Рысхы – насыбха къор.
- Эки ойлашыб, бир сёлешген.
- Ашаса, ашамаса да, бёрюню ауузу – къан.
- Сёз сёзню айтдырыр.
- Байдан умут эте, джарлыдан ёгюз багъасы къорады.
- Адеб джокъда, намыс джокъ.
- Азыгъы аз, алгъа къабар, аты аман, алгъа чабар.
- Къонакъ болсанг, ийнакъ бол.
- Аууз сакълагъан – джан сакълар.
- Ойнаб айтсанг да, эслеб айт.
- Къартха ушагъан джаш – акъыллы, джашха ушагъан къарт – тели.
- Суу ичген шауданынга тюкюрме.
- Ата – билек, ана – джюрек!
- Кирсизни – саны таза, халалны – къаны таза.
- Болджал ишни бёрю ашар.
- Орундукъ тюбюнде атылсам да, орта джиликме, де да айлан.
- Кёлю джокъну – джолу джокъ.
- Къарт айтханны этмеген, къартаймаз.
- Сескекли кесин билдирир.
- Таукелге нюр джауар.
- Баланы адам этген анады.
- Сютню башын джалагъан къутулур, тюбюн ичген тутулур.
- Сангырау къулакъ эл бузар.
- Джогъун бар этген, барын бал этген.
- Тамчы таш тешер.
- Акъыл неден да кючлюдю.
- Аманны тукъумуна къарама, игини тукъумун сорма.
- Ашхылыкъ джерде джатмайды, аманлыкъ суугъа батмайды.
- Борчунг бар эсе, хурджунунга ойлаб узал.
- Этни да ашады, бетни да ашады.
- Тойгъан антын унутур.
- Къуру гыбыт бек дыгъырдар.
- Халкъны джырын джырласанг, халкъ санга эжиу этер.
Профиль
|
|
|||