- Оюмсуз атлагъан, аджалсыз ёлюр.
- Терек ауса, отунчу – кёб.
- Тойну къарнашы – харс, джырны къарнашы – эжиу.
- Къазанны башы ачыкъ болса, итге уят керекди.
- Алгъанда – джууукъ, бергенде – джау.
- Ариу сёз – джаннга азыкъ, аман сёз – башха къазыкъ.
- Агъач – джерни чырайы, кийим – эрни чырайы.
- Суугъа – таянма, джаугъа – ийнанма.
- Онгсузну – джакъла, тенгликни – сакъла.
- Къуллукъчума, деб махтанма, къуллукъ – хаух джамчыды!
- Джумушакъ сёз къаты таякъны сындырыр.
- Соргъан айыб тюлдю, билмеген айыбды.
- Сабыр джетер муратха, сабырсыз къалыр уятха.
- Къанны къан бла джуума, аманны аман бла къуума.
- Биреу къой излей, биреу той излей.
- Къайгъыны сюйген, къайгъы табар.
- Кенгеш болса, уруш болмаз.
- Чомарт къонакъ юй иесин сыйлар.
- Билмегенинги, билгеннге сор.
- Кюлме джашха – келир башха.
- Керек ташны ауурлугъу джокъ.
- Нёгер болсанг, тенг бол, тенг болмасанг, кенг бол.
- Тойгъа алгъа да барма, тойда артха да къалма.
- Мураты болгъанны джюрек тебюую башхады.
- Сёлеш деб шай берген, тохта деб, сом берген.
- Ариу сёз аурууунгу алыр.
- Билими азны – ауузунда кирит.
- Ким бла джюрюсенг, аны кёзю бла кёрюнюрсе.
- Ач да бол, токъ да бол – намысынга бек бол.
- Игини сыйлагъан адетди.
- Эки ойлашыб, бир сёлешген.
- Къобан да къуру да къобханлай турмайды, адам да къуру да патчахлай турмайды.
- Келинни – келгинчи, бёркню кийгинчи кёр.
- Ата джурт – алтын бешик.
- Къыз тиширыу кеси юйюнде да къонакъды.
- Ашхы тенг джолгъа салыр, аман тенг джолдан тайдырыр.
- Зар адам ашынгы ашар, кесинги сатар.
- Рысхы джалгъанды: келген да этер, кетген да этер.
- Айраннга суу къош, телиге джол бош.
- Таш бла ургъанны, аш бла ур.
- Хар сёзню орну барды.
- Асхат ашлыкъ сата, юйдегиси ачдан къата.
- Ачыкъ джюрекге джол – ачыкъ.
- Алтыда кюлмеген, алтмышда кюлмез.
- Акъыл къартда, джашда тюйюлдю – башдады.
- Аякъларынгы джууургъанынга кёре узат.
- Байлыкъ болгъан джерде, тынчлыкъ джокъду.
- Тили узунну, намысы – къысха.
- Элиб деген, элге болушур.
- Аджал соруб келмез, келсе, къайтыб кетмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72