Урама да – ёледи, сатама да – келеди.
Оюмсуз атлагъан, аджалсыз ёлюр.
Кёкдеги болмаса, джердегин кёрмейди.
Джашда акъыл джокъ, къартда къарыу джокъ.
Экиндини кеч къылсанг, чабыб джетер ашхам.
Телиге от эт десенг, юйюнге от салыр.
Къобан да къуру да къобханлай турмайды, адам да къуру да патчахлай турмайды.
Адамны артындан къара сабан сюрме.
Таякъ этден ётер, тил сюекден ётер.
Азыкълы ат арымаз, къатыны аман джарымаз.
Кесинге джетмегенни, кёб сёлешме.
Тик ёргени, тик энгишгеси да болады.
Намыс сатылыб алынмайды.
Акъдан къара болмаз.
Аз айтсам, кёб ангылагъыз.
Киштикге къанат битсе, чыпчыкъ къалмаз эди.
Рысхы – насыбха къор.
Билеги кючлю, бирни джыгъар, билими кючлю, мингни джыгъар.
Баланы адам этген анады.
Эрине къаргъыш этген къатын, эрнин къабар.
Джолда аягъынга сакъ бол, ушакъда тилинге сакъ бол.
Сабий кёргенин унутмаз.
Эрни эр этерик да, къара джер этерик да, тиширыуду.
Сёз садакъдан кючлюдю.
Юйлю уругъа ит чабмаз.
Терек ауса, отунчу – кёб.
Байма, деб да, къууанма, джарлыма, деб да, джылама.
Ашына кёре табагъы, балына кёре къалагъы.
Ишленмеклик адамлыкъды.
Адамны сыфатына къарама, сёзюне къара.
Ургъан суудан башынгы сакъла.
Акъыл къартда, джашда тюйюлдю – башдады.
Ачылгъан эт джабылыр, кёрген кёз унутмаз.
Къазанда болса, чолпугъа чыгъар.
Гугук кесини атын айтыб къычыргъанча, мен, мен деб нек тураса?
Чабакъсыз кёлге къармакъ салгъанлыкъгъа, чабакъ тутмазса.
Кёрмегеннге кебек – танг, битмегеннге сакъал – танг.
Джыланны къуйругъундан басарынг келсе, аны башы болгъанын унутма.
Татлы сёз – балдан татлы.
Игилик игилик бла сингдирилиучю затды.
Джаханимни кёрмей, джандетге кёл салмазса.
Намыс болмагъан джерде, насыб болмаз.
Сакъ юйюне сау барыр.
Сабий болмагъан джерде, мёлек болмаз.
Ашлыкъ – бюртюкден, джюн – тюкден.
Сескекли кесин билдирир.
Къайтырыкъ эшигинги, къаты уруб чыкъма.
Сагъыш – къартлыкъгъа сюйюмчю.
Адебсиз адам – джюгенсиз ат.
Тойгъа алгъа да барма, тойда артха да къалма.
