Аман хансны – урлугъу кёб.
Бал чибинни ургъаны – ачы, балы – татлы.
Кёзюнде тереги болгъан, чёбю болгъаннга кюле эди.
Ушамагъан – джукъмаз.
Ата – билек, ана – джюрек!
Уллу суу бла уллу ауруудан башынгы сакъла.
Азыкълы ат арымаз, къатыны аман джарымаз.
Билген билмегенни юретген адетди.
От кюйдюрген, сау болса да, тот кюйдюрген, сау болмаз.
Къонакъ болсанг, ийнакъ бол.
Керек ташны ауурлугъу джокъ.
Байны оноуу, джарлыгъа джарамаз.
Эринчекни аурууу – кёб.
Мал ёлсе, сюек къалыр, адам ёлсе, иши къалыр.
Хаухну атма, ёнгкючню сатма.
Онгсузну – джакъла, тенгликни – сакъла.
Юйюнгден чыкъдынг – кюнюнгден чыкъдынг.
Аман къатын алгъан, арыр, иги къатын алгъан джарыр.
Билим ат болуб да чабар, къуш болуб да учар.
Эртде тургъан бла эртде юйленнген сокъуранмаз.
Минг тенг да азды, бир джау да кёбдю.
Аш кетер да бет къалыр.
Иесиз малны бёрю ашар.
Уллу сёлешме да, уллу къаб.
Кёбден умут этиб, аздан къуру къалма.
Зар адамны насыбы болмаз.
Таугъа чыгъаллыкъ эсенг, тюзде къалма.
Ашлыкъны арба юйге келтирир, чана базаргъа элтир.
Кёз – сюйген джерде, къол – ауругъан джерде.
Къонагъынгы артмагъын алма да, алгъышын ал.
Ач – эснер, ат – кишнер.
Кёб джат да, бек чаб.
Сууда джау джокъ, кёб сёзде магъана джокъ.
Билгенни къолу къарны джандырыр.
Байдан умут эте, джарлыдан ёгюз багъасы къорады.
Билимден уллу байлыкъ джокъду.
Къаллай салам берсенг, аллай джууаб алырса.
Намыс болмагъан джерде, насыб болмаз.
Суу ичген шауданынга тюкюрме.
Ишни ахырын ойламай, аллын башлама.
Тёрени джагъы джокъ.
Рысхы джалгъанды: келген да этер, кетген да этер.
Тюкюрюк баш джармаз, налат кёз чыгъармаз!
Бичгенде ашыкъма, тикгенде ашыкъ.
Баргъанынга кёре болур келгенинг.
Джумушакъ терекни къурт ашар.
Башда акъыл болмаса, эки аякъгъа кюч джетер.
Рысхы – сют юсюнде кёмюк кибикди.
Эки къатын алгъан – эки ташны ортасына башын салгъан.
Келлик заман – къартлыкъ келтирир, кетген заман – джашлыкъ ёлтюрюр.
