Шайтан алдады, тюзлюк къаргъады.
Аман адамны тепсинге олтуртсанг, къызынгы тилер.
Билим ат болуб да чабар, къуш болуб да учар.
Чомартха Тейри да борчлуду.
Аджал соруб келмез, келсе, къайтыб кетмез.
Бичгенде ашыкъма, тикгенде ашыкъ.
Айтханы чапыракъдан ётмеген.
Къартны сыйын кёрмеген, къартлыгъында сыйлы болмаз.
Чомарт къолда мал къалмаз.
Эркишиге тары кебек танг кёрюнюр.
Эшекни не къадар тюйсенг да, ат болмаз.
Ышармагъан – кюлмез, кюлмеген – къууанчны билмез.
Ашда – бёрю, ишде – ёлю.
Ётюрюкчюню шагъаты – къатында.
Таш бла ургъанны, аш бла ур.
Башы джабылгъан челекге, кир тюшмез.
Билеги кючлю, бирни джыгъар, билими кючлю, мингни джыгъар.
Кийимни бичсенг, кенг бич, тар этген къыйын тюлдю.
Таякъ этден ётер, тил сюекден ётер.
Атадан ёксюз – бир ёксюз, анадан ёксюз – эки ёксюз.
Къонакъ аз олтурур, кёб сынар.
Аманнга алтын чыдамаз.
Джарлыны тону джаз битер.
Дженгил джетерикме деб, узун джолну къоюб, къысхасын барма.
Эски джаугъа ышанма.
Джарлы эскисин джамаса, къууаныр.
Къонакъ болсанг, ийнакъ бол.
Аз айтсам, кёб ангылагъыз.
Джылкъыдан – ат чыгъар, тукъумдан – джаш чыгъар.
Эки къатын алгъанны къулагъы тынгнгаймаз.
Джиби бир къат джетмей эди да, эки къат тарта эди.
Байлыкъ келсе, акъыл кетер.
Ач отунчуну ачыуу – бурнунда.
Айтылгъан сёз ызына къайтмаз.
Aдам боллукъ, сыфатындан белгили.
Аурууну келиую тынч, кетиую – къыйын.
Ётюрюк хапар аякъ тюбю бла джюрюйдю.
Къарнынг ауруса, ауузунгу тый
Кёлсюзден сёзсюз тууар.
Керти сёзге тёре джокъ.
Тюзлюк шохлукъну бегитир.
Уллу атлама – абынырса, уллу къабма – къарылырса.
Джарлыны эшигин махтагъан джабар.
Къобан да къуру да къобханлай турмайды, адам да къуру да патчахлай турмайды.
Къонагъы джокъну – шоху джокъ.
Къазанны башы ачыкъ болса, итге уят керекди.
Айныгъанлы алты кюн, тогъайгъанлы тогъуз кюн.
Суу ичген шауданынга тюкюрме.
Ата джурт – алтын бешик.
Босагъа таш юйге кирмей эди, тыбыр таш эшикге чыкъмай эди.
