Ханы къызы буюгъа-буюгъа киштик болду.
Байма, деб да, къууанма, джарлыма, деб да, джылама.
Джарлыны тону джаз битер.
Сабийни джумушха джибер да, ызындан бар.
Уллу къазанда бишген эт, чий къалмаз.
Кёлю джокъну – джолу джокъ.
Юй кюйдю да, кюйюз чыкъды, ортасындан тюйюш чыкъды.
Джумушакъ сёз къаты таякъны сындырыр.
Тилчиден кери бол.
Душманны тышы – акъ, ичи – къара.
От кюйдюрген, сау болса да, тот кюйдюрген, сау болмаз.
Босагъагъа джууукъ орун болса, ашыгъыб тёрге озма.
Адам къыйынлыгъын кёлтюрюр, зауукълугъун кёлтюрмез.
Кёб джат да, бек чаб.
Дженгил джетерикме деб, узун джолну къоюб, къысхасын барма.
Акъыллы эркиши атын махтар, акъылсыз эркиши къатынын махтар.
Нарт сёз къарт болмаз.
Иги болса, тамадама – махтау, аман болса, меннге – айыб.
Ашхы сёз таш тешер.
Чарсда алчыны эл кёреди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Эки ойлашыб, бир сёлешген.
Келлик заман – къартлыкъ келтирир, кетген заман – джашлыкъ ёлтюрюр.
Аз сёлеш, кёб ишле.
Ойнаб айтсанг да, эслеб айт.
Къартны бурнун сюрт да, оноугъа тут.
Аман къатын алгъан, арыр, иги къатын алгъан джарыр.
Къартны сыйын кёрмеген, къартлыгъында сыйлы болмаз.
Айтханы чапыракъдан ётмеген.
Эки итни арасына сюек атма, эки адамны арасында сёз чыгъарма.
Къонагъынгы артмагъын алма да, алгъышын ал.
Экеу тутушса, биреу джыгъылыр.
Ишни аллы бла къууанма да, арты бла къууан.
Уллу айтханны этмеген – уллаймаз.
Биреу ашаб къутулур, биреу джалаб тутулур.
Сакъалы текени да бар, мыйыгъы киштикни да бар.
Суу кетер, таш къалыр.
Кесине оноу эте билмеген, халкъына да эте билмез.
Окъумагъан сокъурду, сокъур ташха абыныр!
Тулпарлыкъ, билекден тюл – джюрекден.
Ачылгъан эт джабылыр, кёрген кёз унутмаз.
Къарны аманнга къазан такъдырма, къолу аманнга от джакъдырма.
Элиб деген, элге болушур.
Урама да – ёледи, сатама да – келеди.
Этим кетсе да, сюегим къалыр.
Тиширыусуз юй – отсуз от джагъа.
Ашлыкъ – бюртюкден, джюн – тюкден.
Ашына кёре табагъы, балына кёре къалагъы.
Эркиши – от, тиширыу – суу.
Къартха ушагъан джаш – акъыллы, джашха ушагъан къарт – тели.
