Тюзлюк тас болмайды.
Аманны къуугъан, аманлыкъ табар.
Ханы къызы буюгъа-буюгъа киштик болду.
Бет бетге къараса, бет да джерге къарар.
Тёрде – темир таякълы, къаяда – чыпчыкъ аякълы.
Абынмазлыкъ аякъ джокъ, джангылмазлыкъ джаякъ джокъ.
Туз, гырджын аша, тюзлюк бла джаша.
Бек анасы джыламаз.
Джол бла сёзню къыйыры джокъ.
Ач къарным, тынч къулагъым.
Ойнай билмеген, уруб къачар.
Ашлыкъ – бюртюкден, джюн – тюкден.
Аджал соруб келмез, келсе, къайтыб кетмез.
Эл ауузу – элия.
Ач уят къоймаз.
Ашарыкъда сайлагъаннга – чий гырджын.
Нёгер болсанг, тенг бол, тенг болмасанг, кенг бол.
Сакъалы текени да бар, мыйыгъы киштикни да бар.
Эр абынмай, эл танымаз.
Къарт бла баш аша, джаш бла аякъ аша.
Юре билмеген ит, къонакъ келтирир.
Джолда аягъынга сакъ бол, ушакъда тилинге сакъ бол.
Къартха ушагъан джаш – акъыллы, джашха ушагъан къарт – тели.
Джыгъылгъанны сырты джерден тоймаз.
Кёб ант этген, кёб ётюрюк айтыр.
Биреуню эскиси биреуге джангы болмайды.
Сабийликде юретмесенг, уллу болса – тюзелмез.
Къобан да къуру да къобханлай турмайды, адам да къуру да патчахлай турмайды.
Артына баргъанны, къатына барма.
Эте билген, этген этеди, эте билмеген, юретген этеди!
Тойчу джашха къарама, къойчу джашха къара.
Зар адам ашынгы ашар, кесинги сатар.
Аманны тукъумуна къарама, игини тукъумун сорма.
Кёзю сокъурдан – къоркъма, кёлю сокъурдан – къоркъ.
Джарлы тюеге минсе да, ит къабар.
Кийимни бир кюнню аясанг, минг кюннге джарар.
Тау башында, тау болмаз, джангыз терек, бау болмаз.
Кёбден умут этиб, аздан къуру къалма.
Джарлы джети элни сёзюн этер.
Чомартны къолу берекет.
Рысхы – сют юсюнде кёмюк кибикди.
Билим ат болуб да чабар, къуш болуб да учар.
Чомартха хар кюн да байрамды.
Кёл ашады да, кеси ашады.
Адеб этмеген, адеб кёрмез.
Бюгюн дуния кибик, тамбла ахыратды.
Иги – алгъыш этер, аман – къаргъыш этер.
Ана – юйню кюн джарыгъы.
Ёлген аслан – сау чычхан.
Тойну къарнашы – харс, джырны къарнашы – эжиу.
