Тойгъан джерден туугъан джер игиди.
Сютден ауузу кюйген, суугъа юфгюре эди.
Сакъламагъан затынга джолукъсанг, не бек къууанаса, не бек ачыйса.
Игини сыйлагъан адетди.
Сёз садакъдан кючлюдю.
Джашны джигитлиги сорулур, къызны джигерлиги сорулур.
Ёгюзню мюйюзлери ауурлукъ этмейдиле.
Тойну къарнашы – харс, джырны къарнашы – эжиу.
Иши джокъну, сыйы джокъ.
Кимни – тили, тиши онглу, кимни – къолу, иши онглу.
Нёгер болсанг, тенг бол, тенг болмасанг, кенг бол.
Кёб къычыргъандан – къоркъма, тынч олтургъандан – къоркъ.
Кёб джашагъан – кёб билир.
Хар адамгъа кеси миннген тау кибик.
Бети къызарыучу адамны, джюреги харам болмаз.
Таула не мийик болсала да, аууш табылыр.
Джукъу тёшек сайламайды.
Джаш къарыу бла кючлю, къарт акъыл бла кючлю.
Кёбге таш атма.
Экиндини кеч къылсанг, чабыб джетер ашхам.
Баланы адам этген анады.
Къайгъыны сюйген, къайгъы табар.
Къыйынлы джети элни къайгъысын этер.
Бойнуму джети джерден кессенг да, мен ол ишни этеллик тюлме.
Ашхы – джыяр, аман – джояр.
Ашхы болсанг, атынг чыгъар, аман болсанг, джанынг чыгъар.
Келинин тута билмеген, къул этер, къызын тута билмеген, тул этер.
Джылкъыдан – ат чыгъар, тукъумдан – джаш чыгъар.
Джол бла сёзню къыйыры джокъ.
Насыблы элин сюер, насыбсыз кесин сюер.
Иги бла джюрюсенг, джетерсе муратынга, аман бла джюрюсенг, къалырса уятха.
Тура эдим джата, къайдан чыкъды хата?
Тёзгеннге, джабылгъан эшик ачылыр.
Таукел къуру къалмаз.
Миллетни бойну – базыкъ, аны бла кюрешген – джазыкъ.
Халкъгъа джарагъан, джарлы къалмаз.
Айтхан сёзюне табылгъан.
Джаным-тиним – окъуу, билим.
Битмегеннге сакъал – танг.
Джашлыкъ этмеген, башлыкъ этмез.
Таугъа чыгъаллыкъ эсенг, тюзде къалма.
Джерни букъусу кёкге къонмаз.
Нарт сёз – тилни бети.
Къыз келсе, джумуш эте келеди, къатын келсе, ушакъ эте келеди.
Джумушакъ терекни къурт ашар.
Башланнган иш битер, къымылдагъан тиш тюшер.
Шекер бла туз – бир болмаз, ушамагъан – юй болмаз.
Артына баргъанны, къатына барма.
Билими азны – ауузунда кирит.
Къарт болгъан джерде, берекет болур, сабий болгъан джерде, оюн болур.
