Къызны минг тилер, бир алыр.
Эм уллу байлыкъ – джан саулукъ.
Хансыз джомакъ болмаз.
Шекер бла туз – бир болмаз, ушамагъан – юй болмаз.
Тау башында, тау болмаз, джангыз терек, бау болмаз.
Телиге от эт десенг, юйюнге от салыр.
Сабийни джумушха джибер да, ызындан бар.
Иги адам абынса да, джангылмаз.
Ашыкъгъанны этеги бутуна чырмалыр.
Ашаса, ашамаса да, бёрюню ауузу – къан.
Кюлме джашха – келир башха.
Къонагъы джокъну – шоху джокъ.
Таула не мийик болсала да, аууш табылыр.
Ауурну тюбю бла, дженгилни башы бла джюрюген.
Аз айтсам, кёб ангылагъыз.
Тамырсыз терекге таянма – джыгъылырса.
Рысхы джалгъанды: келген да этер, кетген да этер.
Акъыл неден да кючлюдю.
Харам къарнашдан, халал тенг ашхы.
Сютден ауузу кюйген, суугъа юфгюре эди.
Атадан ёксюз – бир ёксюз, анадан ёксюз – эки ёксюз.
Къоркъакъны кёзю экили кёрюр.
Кимни – тили, тиши онглу, кимни – къолу, иши онглу.
Тойгъан джерге джети къайт.
Билим ат болуб да чабар, къуш болуб да учар.
Къазанны башы ачыкъ болса, итге уят керекди.
Терслик кетер, тюзлюк джетер.
Тешик этген тынчды, аны джамагъан къыйынды.
Баргъанынга кёре болур келгенинг.
Этим кетсе да, сюегим къалыр.
Бюгюн дуния кибик, тамбла ахыратды.
Джарашыу сюйген – джалынчакъ.
Ётюрюк хапар аякъ тюбю бла джюрюйдю.
Келинин тута билмеген, къул этер, къызын тута билмеген, тул этер.
Сакъалы текени да бар, мыйыгъы киштикни да бар.
Джарлы джети элни сёзюн этер.
Уясында не кёрсе, учханында аны этер.
Мен да «сен», дейме, сен да «кесим», дейсе.
Элни кючю – эмеген.
Азыгъы аз, алгъа къабар, аты аман, алгъа чабар.
Джаш къарыу бла кючлю, къарт акъыл бла кючлю.
Гугурук къычырмаса да, тангны атары къалмаз.
Чомарт къолда мал къалмаз.
Къартны бурнун сюрт да, оноугъа тут.
Джахил болса анасы, не билликди баласы?
Таукел къуру къалмаз.
Арбаз сайлама да, хоншу сайла.
Уллу къашыкъ эрин джыртар.
Накъырда – кертини келечиси.
Ишин билген, аны сыйын чыгъарады.
