Къыз тиширыу кеси юйюнде да къонакъды.
Тас болгъан бычакъны сабы – алтын.
Биреуню тёрюнден, кесинги эшик артынг игиди.
Атлыны ашхысы, ат тизгининден билинир
Байлыкъ тауусулур, билим тауусулмаз.
Аманнга да, игиге да оноусуз къатышма.
Чалманны аллы къалай башланса, арты да алай барады.
Таула не мийик болсала да, аууш табылыр.
Ашына кёре табагъы, балына кёре къалагъы.
Бастасын ашагъан, хантусун да ичер.
Къызны минг тилер, бир алыр.
Сабий болмагъан джерде, мёлек болмаз.
Мал ёлсе, сюек къалыр, адам ёлсе, иши къалыр.
Аман хансны – урлугъу кёб.
Ёлген ийнек сютлю болур.
Бети – къучакълар, джюреги – бычакълар.
Ачны эсинде – аш.
Кёрмегеннге кебек – танг, битмегеннге сакъал – танг.
Ишленмеклик адамлыкъды.
Ариу джол аджал келтирмез.
Этим кетсе да, сюегим къалыр.
Ата Джуртун танымагъан, атасын да танымаз.
Кёб къычыргъандан – къоркъма, тынч олтургъандан – къоркъ.
Илму – джашауну джолу.
Бозанг болмагъан джерге, къалагъынгы сукъма.
Ариу сёз – джаннга азыкъ, аман сёз – башха къазыкъ.
Сёз – кюмюш, джыр – алтын.
Ким бла джюрюсенг, аны кёзю бла кёрюнюрсе.
Башы джабылгъан челекге, кир тюшмез.
Бек ашыкъгъан меннге джетсин, дегенди аракъы.
Биреуге аманлыкъ этиб, кесинге игилик табмазса.
Келинни – келгинчи, бёркню кийгинчи кёр.
Джаш къарыу бла кючлю, къарт акъыл бла кючлю.
Тюзлюк тас болмайды.
Келинин тута билмеген, къул этер, къызын тута билмеген, тул этер.
Акъыл къартда, джашда тюйюлдю – башдады.
Айранын берсенг, челегин да къызгъанма.
Тилчи бир сагъатха айлыкъ хата этер.
Экеулен сёлеше тура эселе, орталарына барыб кирме.
Малны кют, джерни тюрт.
Тин – байлыгъынг, терен саулугъунг.
Асхат ашлыкъ сата, юйдегиси ачдан къата.
Суугъа – чабакъ, къаягъа – ыргъакъ.
Эртде тургъан бла эртде юйленнген сокъуранмаз.
Соргъан айыб тюлдю, билмеген айыбды.
Ана кёлю – балада, бала кёлю – талада.
Чабар ат – джетген къыз.
Ашхылыкъ джерде джатмайды, аманлыкъ суугъа батмайды.
Ёзденликни джайгъан – джокълукъ.
Эркишини аманы тиширыуну джылатыр.
