Намыс сатылыб алынмайды.
Къонагъынгы артмагъын алма да, алгъышын ал.
Харам къарнашдан, халал тенг ашхы.
Сабийни джумушха джибер да, ызындан бар.
Тамбла алтындан бюгюн багъыр ашхы.
Тил джюрекге джол ишлейди.
Окъуу – билимни ачхычы, окъуу – дунияны бачхычы.
Аджал соруб келмез, келсе, къайтыб кетмез.
Эрни эр этерик да, къара джер этерик да, тиширыуду.
Сютден ауузу кюйген, суугъа юфгюре эди.
Телиге акъыл салгъандан эсе, ёлгеннге джан салырса.
Суугъа – таянма, джаугъа – ийнанма.
Джумушакъ сёз къаты таякъны сындырыр.
Ичимден чыкъды хата, къайры барайым сата?
Иги бла джюрюсенг, джетерсе муратынга, аман бла джюрюсенг, къалырса уятха.
Ауурну тюбю бла, дженгилни башы бла джюрюген.
Ашхы болсанг, атынг чыгъар, аман болсанг, джанынг чыгъар.
Джюрек кёзден алгъа кёрюр.
Сабыр джетер муратха, сабырсыз къалыр уятха.
Нарт сёз къарт болмаз.
Къартны бурнун сюрт да, оноугъа тут.
Чомартха Тейри да борчлуду.
Эм ашхы къайын ана мамукъ бла башынгы тешер.
Тау башында, тау болмаз, джангыз терек, бау болмаз.
Айтхан сёзюне табылгъан.
Биреуню эскиси биреуге джангы болмайды.
Бир онгсуз адам адет чыгъарды, деб эштирик тюлсе.
Ач да бол, токъ да бол – намысынга бек бол.
Эл тойса, тоймагъан, эл къойса, къоймагъан.
Бир абыннган – минг сюрюнюр.
«Ёгюз, джаргъа джууукъ барма, меннге джюк боллукъса», - дегенди эшек.
Таукел къуру къалмаз.
Уллу айтханны этмеген – уллаймаз.
Aдам боллукъ, сыфатындан белгили.
Аурууну келиую тынч, кетиую – къыйын.
Джыйырма къойну юч джыйырма эбзе кюте эди.
Азыгъы аз, алгъа къабар, аты аман, алгъа чабар.
Адамны артындан къара сабан сюрме.
Эки ойлашыб, бир сёлешген.
Сютню башын джалагъан къутулур, тюбюн ичген тутулур.
Накъырданы арты керти болур.
Биреу ашаб къутулур, биреу джалаб тутулур.
Башда акъыл болмаса, эки аякъгъа кюч джетер.
Джеринден айырылгъан – джети джылар, джуртундан айырылгъан – ёлгюнчю джылар.
Эркишиге тары кебек танг кёрюнюр.
Къазанны башы ачыкъ болса, итге уят керекди.
Ишни ахырын ойламай, аллын башлама.
Рысхы джалгъанды: келген да этер, кетген да этер.
Билмегенинги, билгеннге сор.
Къоркъакъны кёзю экили кёрюр.
