Ышармагъан – кюлмез, кюлмеген – къууанчны билмез.
Эркиши – от, тиширыу – суу.
Чомартха хар кюн да байрамды.
Таукел адам тау тешер.
Иги бла джюрюсенг, джетерсе муратынга, аман бла джюрюсенг, къалырса уятха.
Тамбла алтындан бюгюн багъыр ашхы.
Ким бла джюрюсенг, аны кёзю бла кёрюнюрсе.
Ёлген ийнек сютлю болур.
Кёб джат да, бек чаб.
Байлыкъ келсе, акъыл кетер.
Тойгъан джерге джети къайт.
Ауругъан – джашаудан умутчу.
Мухардан ач ычхынмаз.
Намыс сатылыб алынмайды.
Чомарт джарлы болмаз.
Джюз элде джюз ёгюзюм болгъандан эсе, джюз джууугъум болсун.
Игилик игилик бла сингдирилиучю затды.
Аджалсыз ёлюм болмаз.
Тай асырагъан, атха минер.
Таш бла ургъанны, аш бла ур.
Таш ата билмеген, башына урур.
Гитче джилтин уллу элни джандырыр.
Ариу – кёзге, акъыл – джюрекге.
Тура эдим джата, къайдан чыкъды хата?
Ач келгенни – тойдур, кеч келгенни – къондур.
Биреу ашаб къутулур, биреу джалаб тутулур.
Ачны эсинде – аш.
Чакъырылмай келген къонакъ сыйланмай кетер.
Сакъламагъан затынга джолукъсанг, не бек къууанаса, не бек ачыйса.
Къарнынг бла ёч алма.
Юйюнг бла джау болгъандан эсе, элинг бла джау бол.
Къуллукъчума, деб махтанма, къуллукъ – хаух джамчыды!
Айтылгъан буйрукъ, сёгюлмез
Эки ойлашыб, бир сёлешген.
Къарыусузгъа кюлме, онгсузгъа тийме.
Таякъ этден ётер, тил сюекден ётер.
Къарын къуру болса, джюрек уру болур.
Ариу сёз – джаннга азыкъ, аман сёз – башха къазыкъ.
Ашын ашагъанынгы, башын да сыйла.
Аджаллыгъа окъсуз шкок атылыр.
Къарт бла баш аша, джаш бла аякъ аша.
Арбаз къынгырды да, ийнек сауалмайма.
Чомарт къолда мал къалмаз.
Къыз келсе, джумуш эте келеди, къатын келсе, ушакъ эте келеди.
Тюзлюк шохлукъну бегитир.
Шекер бла туз – бир болмаз, ушамагъан – юй болмаз.
Къарнынг къанлынга кийирир.
Юреннген ауруу къалмаз.
Эки итни арасына сюек атма, эки адамны арасында сёз чыгъарма.
Ата Джуртун танымагъан, атасын да танымаз.
