Тёрени джагъы джокъ.
Ашхы сёз таш тешер.
Керти сёзге тёре джокъ.
Билимли ёлмез, билимсиз кёрмез.
Уллу сёлешме да, уллу къаб.
Аджаллыгъа окъсуз шкок атылыр.
Окъуу – билимни ачхычы, окъуу – дунияны бачхычы.
Джашда акъыл джокъ, къартда къарыу джокъ.
Мухарны эси – ашарыкъда.
Къатын байлыкъны сюер, эр саулукъну сюер.
Эки къатын алгъан – эки ташны ортасына башын салгъан.
Аууз сакълагъан – джан сакълар.
Термилгенинги табмазса, кюлгенинге тюберсе.
Ата Джуртун танымагъан, атасын да танымаз.
Сёлеш деб шай берген, тохта деб, сом берген.
Билген билмегенни юретген адетди.
Ёлген аслан – сау чычхан.
Ашлыкъны арба юйге келтирир, чана базаргъа элтир.
Джарлы тюеге минсе да, ит къабар.
Ана кёлю – балада, бала кёлю – талада.
Къоркъакъны кёзю экили кёрюр.
Ата – билек, ана – джюрек!
Сёз къанатсыз учар.
Аман адамны тепсинге олтуртсанг, къызынгы тилер.
Бетинги сатма, малынгы сат.
Джаш къарыу бла кючлю, къарт акъыл бла кючлю.
Билгенни къолу къарны джандырыр.
Айыбны суу бла джууалмазса.
Кёбге таш атма.
Къыйынлы джети элге оноу этер.
Баргъанынга кёре болур келгенинг.
Башсыз урчукъ тюзюне айланмаз.
Ауругъан – джашаудан умутчу.
Мени джылытмагъан кюн, меннге тиймесин!
Къарнынг бла ёч алма.
Сютден ауузу кюйген, суугъа юфгюре эди.
Сабийликде юретмесенг, уллу болса – тюзелмез.
Намыс сатылыб алынмайды.
Эрни эр этерик да, къара джер этерик да, тиширыуду.
Адебсиз адам – джюгенсиз ат.
Ишлегенде эринме, ишде чолакъ кёрюнме.
Ач, тоймам, дейди, тойгъан, ач болмам, дейди.
Болджал ишни бёрю ашар.
Иги джашны ышаны – аз сёлешиб, кёб тынгылар.
Элиб деген, элге болушур.
Акъыллы – эл иеси, тели – эл баласы.
Тилде сюек болмаса да, сюек сындырыр.
Башы ишлегенни, ауузу да ишлер.
Бастасын ашагъан, хантусун да ичер.
Гугурук къычырмаса да, тангны атары къалмаз.
