Сабыр джетер муратха, сабырсыз къалыр уятха.
Биреуню эскиси биреуге джангы болмайды.
Билим насыб берир, билим джолну керир.
Эри аманны, къатыны – аман.
Накъырданы арты керти болур.
Кёб ант этген, кёб ётюрюк айтыр.
Тюз сёз баргъан сууну тыяр.
Суу кетер, таш къалыр.
Таш бла ургъанны, аш бла ур.
Ойнай-ойнай кёз чыгъар.
Нафысынгы айтханын этме, намысынгы айтханын эт.
Ашхы атаны – джашы ашхы, ашхы ананы – къызы ашхы.
Эркишини аманы тиширыуну джылатыр.
Къызын тута билмеген, тул этер, джашын тута билмеген, къул этер.
Джетген къыз джерли эшекни танымаз.
Иги джашны ышаны – аз сёлешиб, кёб тынгылар.
Таукелге нюр джауар.
Джыланны къуйругъундан басарынг келсе, аны башы болгъанын унутма.
Ач – эснер, ат – кишнер.
Ашлыкъ – бюртюкден, джюн – тюкден.
Ишин билген, аны сыйын чыгъарады.
Тилде сюек болмаса да, сюек сындырыр.
Кёзню ачылгъаны – иги, ауузну джабылгъаны – иги.
Ачны эсинде – аш.
Ашлыкъны арба юйге келтирир, чана базаргъа элтир.
Эркиши – от, тиширыу – суу.
Ёлюк кебинсиз къалмаз.
Адамны аты башхача, акъылы да башхады.
Ач, тоймам, дейди, тойгъан, ач болмам, дейди.
Билим – акъылны чырагъы.
Хунаны тюбюн къазсанг, юсюнге ауар.
Ата Джуртун танымагъан, атасын да танымаз.
Ёзденликни кёбю ётюрюк.
Алтыннга тот къонмаз.
Aдам боллукъ, сыфатындан белгили.
Ышармагъан – кюлмез, кюлмеген – къууанчны билмез.
Харам къарнашдан, халал тенг ашхы.
Къыйынлы джети элге оноу этер.
Азыкъ аз болса, эртде орун сал.
Сыфатында болмагъаны, суратында болмаз.
Тойгъан джерге джети къайт.
Окъугъан – асыу, окъумагъан – джарсыу.
Билмезни кёзю кёрмез, этмезни къулагъы эшитмез.
Джарлы эскисин джамаса, къууаныр.
Джаш болсун, къыз болсун, акъылы, саны тюз болсун.
Сабий болмагъан джерде, мёлек болмаз.
Дууулдаса – бал чибин, къонса – къара чибин.
Ашын ашагъанынгы, башын да сыйла.
Ашха уста, юйюнде болсун
Эрине къаргъыш этген къатын, эрнин къабар.
